هلا اختي شموخ ، شخبارج ..
خلج من تفسير الأحلام ، من كثر تفكيرنا في الولاده نحلم هالأحلام :) وبعدين يقولون الدم يفسد الحلم ، وإن شاءالله ماعليج شر حبيبتي ..
بالنسبه للمره حاطه الطريقه فوق اقريها ، بس الفراشه طريقتها غير :)

وبالنسبه للصور صوري عادي وصغري الصور ببرنامج البينت مال الويندوز ..

حنين شخبارج مبروك نزل عندج راس البيبي الف مره ابرك لج من العمليه ... بغيت اسئلج عن سكر الحمل في الولاده بو 3 ساعات شسووي ؟؟ صج يدووخ ؟؟ صج المختبر بالدور والموضوع فيه نقعه ؟؟ تكفين ردين علي بكره عندي موعد ومتوهقه من قلب

هلا الغاليه شخبارج ، وينج صايره بيض الصعو ..
ماشوفج اون لاين على المسنجر :)
شوفي بالنسبه للتحليل بو ثلاث ساعات ، يتعب شوي صراحه ، وتلوع جبدج من النطره ، صج المختبر بالدور ، بس بسرعه يجيج الدور ، المشكله مب في الدور ، المشكله في الثلاث الساعات الي بتقعدينهم ..الله يعينج والله .. انا اعرف وحده تشتغل في المستشفى وقعدت وياها والله .. عشان جذي ضاع الوقت شوي .. ودي معاج ونيس :) وروحي قبل الساعه 9 تره عقب مايستقبلون حد ..

مرحبا بنات : )

قصدي حوامل : )

حنين تصدقين انا تحليل السكر ماسويته .. دايما الدكتوره تلومني واقول لها المره الجايه بسويه

بس منيب مشتهيه ..

اقول شغلكم خلص والا بعد ؟؟

انا كل شي جاهز ماعدا شغلات بتجهز يبي لها تقريبا اسبوعين .. عاد خايفه اولد قبل الاسبوعين .. قهر

يلا وينكم سولفوا اذا كنتوا اون لاين : )

هههه هلا اختي شموخ .. خلاص ان شاءالله مايطلع فيج سكر ..

عني أنا ، شغلي خلص ، باقيلي اشياء بسيطه جدا ، يعني القطن والكريمات ، وللحين ماسكرت الشنطه ، بسكرها بعد اسبوع ..
والتوزيع رحت شفته امس ، كانوا يشتغلون في الستاند ، وايد حلو طالع ..