المنتو

وانا كمان اموت واعرف طريقتها مظبوط لاني مره سويتها وطلعت قاسيه معي
والله كان ودي افيدكي لاكن مااعرفها زين
انشاء الله البنات مايقصروا

ياأختي إذهبي لقسم المعجنات للأخت عزيزة في لها طريقة المنتو إن شاء الله أدوره لك بس اعطيني فرصة بس أنا أسوي المنتو الكذاب إنك تجبين الرقاق حق السمبوسة طبعا هو طويل أقسميه من إلى نصفين بعدين أحشيه لحمة مفرومة بصل شوي كمون وفلفل يعني حاولي يكون البصل هو الأكثر{طبعا تكون الحشوة مطبوخة مع يعني مثل حقت السمبوسة } خذي مقدار ملعقة وحطيها على الرقاق النصف ولفيها زي الأصبع وهكذا لفي أصابع كثيرة في الصينية المدهونة بالزيت وإذا حابة تحطين على الوجه شيئ مثلا زي ملعقتين جبنة سائلة تفكينها بموية قدر فنجان شاي وترشينها بالملعقة على الوجة أوحابة تخلطين طماطم مع شوي بهارات وتطبخينها على النار حتى تمص مويتها شوي وتحطينها على الوجة أو تتركينها كذا بدون شيئ كيفك إنت حرة أنا أسويها مرة سادة ومرة بالجنبة والله تطلع كأنها منتو حقيقي وبعدي غطي الصينية بالقصدير وولعي عليها من تحت وفوق وخليها في شبك الفرن الوسطاني خليها تقريبا نصف ساعة وبعدين طلعيها من الفرن وكليها مع شطة كريستال الزجاج وبالعافية عليك وإنتظري شوي عليا أدورلك طريقة الأخت عزيزة الله يحفظها

المعذرة محرك البحث متوقف مؤقتاً .

هلا ياقلبي
انا اسوي المنتو وكلن ياخذ الطريقه مني مرررررررره جنان

المقادير
رقائق سمبوسه
دجاج بدون عظم
بازلا اذا حبيتي
جزر مبشور
ماجي
قشطه
جبنه كاسات بس لاتشترين بوك فيه المراعي تمشي الحال حلوه
حلقات بصل
حلقات فلفل بارد

نجي للطريقه:

اولآ الحشوه:
1-تحمسين دجاج مقطع قطع صغيره مع الجزر المبشور والبازلا المسلوقه
وشوي بهارات وملح
2-تجين رقائق السمبوسه وتلفين فيها الحشوه تطلع لك مثل الاصابع انا صراحه الفها في
الة ورق العنب يعني لاتكثرين الحشوه مره
وقصي الرقائق السمبوسه خليها على طول الالة حقت ورق العنب
ولفي
3-اذا انتهيتي من اللف جيبي صينيه وحطي فيها
اول شي شرايح البصل والفلفل الباارد بعدين صفي فوقها السمبوسه
4-جيبي كاس مويه حار وذوبي في الماجي بعدين صبيه على السمبوسه
5-اخلطي جبن وقشطه وحاولي ان تكون الجبنه اكثر شوي وشوي ملح
وصبيها فوق الدجاج
ودخليها الفرن من تحت بعدين حمريها من فوق
تقريبآ تاخذ في الفرن ساعه


وبالعااافيه ياقممر

ملاحظه
اذا حبيتي تلفيها بيديك السمبوسه على راحتك بس بالالة حقت ورق العنب اسهل واسرع
تخليها مرره متمااسكه


واي سؤال انا تحت امرك يالغلا
واذا مارديت عليك ارسلي لي رساله خاصه