المنحوس منحوس ولوكانت حية بسبع رووس 😁😁

مساء الورد بنات اسمعوا قصة صديقتي وردوا علي هذا ياطويلات العمر تزوجت من شخص من نفس عائلتها شاب كريم جداً وشهم وطيب هي انسانة طيبة وست بيت شاطرة ومرتبة جداً تحب كل شيئ منظم ومرتب وموزون وهو بالإضافة لصفة الكرم اللي تميزه نوعاً ما فوضوي لكنه عزام من الدرجة الأولى يعني لوشاف عامل في الشارع حلف عليه ودخله بيته والمشاكل بينهم تتمحور حول إنها تحب كل شئ بحساب يعني شعارها كان احفظ حقك ودبر امورك وخلك من الشهامة اللي مالها سنع وبطل على الفاضي والمليان عزايم وهذا داخل وهذا خارج المهم خلفت ولدين وبعدين لإختلاف الطباع طلقها طلقه وحده وبعدين رجعها وبعد فترة صار له حادث وتوفي الله يرحمه ويسكنه الفردوس الأعلى من الجنة ومرته تمت بدون زواج وربت عيالها الحين الكبير عمره 14والأصغر 12مرأة مدبرة وعاقلة وذكية ماشاء الله حافظت على مال صغارها واستثمرته لهم وكانت قمة في حسن التدبير والتصرف لاحظوا بنات انا ماقلت بخيلة لكن قلت مدبرة ومقتصدة المهم بعد مرور هذه السنوات تقدم لها شخص متزوج ومتدين وعاقل وبعد تردد واخذ ورد وافقت عليه وتم عقد القران لكن المفارقة انه صورة طبق الأصل من زوجها الراحل انا عرفت هذا الشئ  واتوقع هي ايضاً عرفت كرم بلاحدود ويعزم بالهبل يقول انا كل يوم عندي عزيمة في بيتي وعيب اودي الذبيحة المطبخ ام فلان يعني زوجته الاولى تطبخ الذبيحة في البيت وبعد الحين العمال اللي يشتغلون في بيته اللي بإذن الله بيكون بيتها يجيب غداهم ويحلف مايتغدون الا معاه ويقول ليه ماهم بشر مثلنا المهم بنات انا صديقتها المقربة وواثقة تمام الثقة انو الحال ماراح يعجبها بعد الزواج مدري كيف انصحها ولا ادري كيف بتكون حياتها وياه بصراحه انا انصدمت كان ودي لها بحياة احلى من كذا لكن هذا نصيبها بقول كلمة قلتها لوحده تعرف السالفة مثلي ادري كلكم بتقولون احلى شي الكرم وهذا الرجال الكفو بقول لكم ما اختلفنا بس الرجال اللي بهالمواصفات تفتخرين فيه كأخ كأب كأبن لكن كزوج هذا النوع من الرجال متعب جداً لزوجته وصديقتي كبرت يابنات اكيد تحلم براحه وحب واستقرار وحياة تعوض صبرها مو رجال متشاركة فيه مع وحده ثانية وطايح عزايم في الخلق وتفضلوا يارجال وحياكم الله ياجماعة الحين السؤال صديقتي كيف تتعامل وش تسوي وكيف تمشي امورها بدون متاعب او لوم الحكيمات ردوا والنفسيات دامنا في العزايم والمعازم يلا برى لا تقرأون ولاتردون الموضوع يتعذركم 😄😄😄سبحان الله وبحمده سبحان الله العظيم ❤ربي لاتذرني فرداً وانت خير الوارثين🌴🌴🌴