الله يسلمكم كلن يعرف المندي ماهو شي جديد .. ولا هو زبدة موضوعنا ..
الزبدة ان في ناس ما يحبون الا اكل بيت طيب اذا راحوا في سفرة وسكنوا في فندق ما فيه مطبخ شيسوون
يعبرون بأي شي خفيف بس بعد كم يوم الواحد نفسه تهفو لأكل البيت شلون يطبخون بدون فرن
ذا الجهاز يحل مشكله ,, خل اعطي نبذة قصيره عنه ..
اسم الجهاز : آلة الطبخ بالبخار
هذا شكله
يجي منه دورين او اكثر من دورين ويمكن طبخ اي نوع من انواع الطعام فيه الاطباق الخفيفة السهله يعني ,, وخفيف بالوزن
انا جهازي دورين بس اقدر اطبخ فيه كدور واحد مثل كذا يصير دور واحد ..
وهذا شكله وهو مفتوح ..
من تحت هذا في مؤشر الدقائق والتوقيت حسب نوع الطعام اللي بينطبخ كم يبي له من دقيقة مبينينه بالصور ..
الحين اوريكم كيف طبخت المندي فيه ..
اول شي غسلت الدجاج وملحته وحطيته مع البهارات العدله والدارسين ما كان عندي اعواد حطيته رشة دارسين بودرة ..
بعدين صبيت في قاعدة الجهاز ماي .. ومبين في القاعدة اعلى مستوى ممكن للتعبئة واقل مستوى ممكن للتعبئه ..
بعدين صفيت الدورة اللي حطيت فيه الدجاج ..
هذا اوضح ..
بعدين غطيتها بالغطى وشبكت الواير بالكهرب وضبطت المؤشر وتركته ما علي منه هو اذا خلص بيصفر وبعرف ان خلص ..
هذا ما باقي شي ويخلص بتستوي الدجاجة شوفوا شلون البخار متجمع في الغطا والمؤشر باقي له 5 دقايق ويخلص ,,
يتبع انتظروا لمن يكمل الموضوع ..
على ما يخلص رحت اغسل الرز في الحاوية المخصصه للرز لان في حاوية مخصصه للرز والاشياء اللي ما يبي لها شخال وفي حاوية مخصصة للمكرونة والاشياء اللي يبي لها شخال ..
بس خلصت الغسال صفرت الاله وفتحتها ,, شوفوا الدجاج استوى ..
بوريكم وين راح ماي الدجاجة ,, تجمع في القاعدة السوداء,,
الحين ذا خلاص بتخلص منه بس قبل لا اكبه باخذ منه شوي للرز .. والكمية ما يحتاج واجد مجرد بس نغطي الرز هو بالبخار بيستوي وبيستوي نثري بعد ..
حطيت للرز ملح وملعقة دهن بقر وشوي طماط وفليفله من اللي كانوا مع الدجاجة
بعدين صفيت الادوار الدجاجة تحت والرز فوق
وبس غطيتها وضبطت المؤشر وتركته يستوي براحته ويوم اللي استوى فتحته ..
نجبته اخيرا ..
صورة اقرب ..
والحمد لله رب العالمين ..
وتقدرونت تسوون فيه مجبوس او سمك او اي شي تحبون تسوونه
وسلامتكم ..