سلام اخواتي كيف حالكم
اليوم جبت لكم طريقتي بالمندي من تجاربي
مقادير الرز
ثوم حبه كامله وثوم مهروس ملعقه صغيره
فليفله حبه وطماط وبصل حبه مقطعينهم حلقات دوائر
ناخذ حبة ماجي وملح وبهارات عدله مسمار ودارسين كسبره ناشفه وحبوب الخردل
ليمون ناشف وفلفل حار حبتين وملعقه صغيره كاري ورق غار وحبوب كمون
كل ذولي نحطهم في جدر ونكسب عليهم مويه حاره ونغطيها لحين مانجهز الرز
طبعاً مانكثر المويه
تتبيلة الدجاج
ناخذ الدجاجه ونغسلها زين ونقعها بالخل والثوم البودره
بعدها نغسلها ونتبلها بالملح والكاري والليمون
ونكون مسخنين الفرن علي درجة حراره قويه
ونكسب الرز بعد غسله علي الي بالجدر ونوازي المويه مانخليها كثير
ونحطه بالفرن وعلي الشبك نحط الدجاجه وتكون فوق الرز
طبعاً نكون مسوين فيها ثقوب عشان ميتها تنزل علي الرز
وبعد 20 دقيقه نخلي النار وسط
وبعدها نوطي ونشغل الي فوق وتكون وسط
وبالعافيه
العسوله 2 @alaasolh_2_1
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ملوحظه لاتحطون هيل بيعطيه نكهه مو حلوه