المنسسسسسسسسسسسسف الاردني على اصوله الي بده يدوخ يدخل

بسم الله الرحمن الرحيم

ما شاء الله لا اله الا الله


هاد طبعا المنسف الاردني وصار اكيد معروف لكثير من الناس خاصه انه الاكله الشعبية بالاردن
وما بتكمل العزايم الا معه طريقته سهلة وان شاء الله تكون واضحه للجميع

المقادير : لحمه غنم او دجاج ممكن ينعمل هيك او هيك بس طبعا باللحم اطيب
هنا المقادير لاربع اشخاص اذا لحم كيلو واذا دجاج دجاجه مقطعه لارباع
بنسلق الدجاج او اللحمه بالطريقه الاعتياديه مع بصل وفصين ثوم وبهارات صحيحه وهي عباره عن هيل ، قرنفل ، ورق غار ، عود قرفة ، كمشه فلفل حب ، قطعة زنجبيل وبدون ملح والسبب انه الجميد المستخدم بالاكله هاي مالح زياده فما يحتاج نضيف اي ملح للحمه او الدجاج المسلوق وبنتركه ليستوي تماما

المكون التاني طبعا الجميد ورح احط صورته مشان تتعرفو علي للي ما بعرفوا احنا بس ننزل اجازت بنجيبه معنا من الاردن موجود بكل المحلات تقريبا وبعدة ماركات وهاي صورته
P030412_15.46

P030412_15.46_01

P030412_15.47_01

P030412_15.21

P030412_15.21_03

P030412_15.21_02
طبعا الجميد بكون على شكل اقراص صلبه ملفوفه بالملح لحتى يحفظها من انها تخرب ممكن تحتفظي فيها سنتين ما بصيرلها اشي او اكتر حتى طبعا انا استخدمت حبة واحدة بتلفيها بكيس نايلون وبعدها بقطعة قماش وبتجيبي الشاكوش وبتبلشي ضرب مبرح :mad: هههههههههههه لحدما تتكسر طبعا بتتحول للصخور صغيره بعد هيك بتنقعيها بميه ساخنه ويفضل قبل كم ساعه من ما تبلشي بعمليه الطبيخ يعني لحتى تلين وعد هيك بالخلاط وبتشغلي الخلاط الكاس طبعا لحد ما يذوب كل الجميد وبنصفي بطنجرة وبتبلشي تغلي في مع التحريك المستمر لحد م يغلي مزبوط وبتكون طبعا اللحمه استوت او الدجاج المهم انه يكون استوى بنصفي الشوربه فوق الجميد وينحرك شوي لما يبلش يغلي بنضيف قطع اللحمه او الدجاج المسلوق ونخلي يغلي مع بعض تقريبا لربع ساعه لحد ما اللحمه توخد طعم الجميد

وبنجهز الرز المصري انا نقعت ثلاث كاسات على حسب اكلتنا يعني انتي اتحكمي بالكميه الي بتحبيها وبنسلقه عادي انا طريقتي اني بعد ما انقعه اغسله زين ما زين على قولتكم :cook: وبحطه بالطنجره فوق الزيت الحامي طبعا الزيت بيكون مغظي قاع الطنجره مش كتير ومش قليل يعني على النظر ببين انه كويس وبنرش شويه كركم ومعلقة صغير ملح وبنبلش نحمس في الرز لحد ما يتغلف الرز كله بالزيت والكركم يعني ثلاث لاربع دقائق وبنغمره بالمي الساخنه وبنخلي يغلي على نار عاليه لمده ثلاث دقائق وبعد هيك بنوطي النار على الاخر وبنغطي لحد ما يستوي .

وبنجهز بقدونس مفروم ولوز محمر وخبز شراك اذا مش موجود مثل ما صار معي استخدمت الخبز المفرود العادي

اول طبقه بنمد الخبز وبعد هيك الرز وبعد هيك قطع اللحمه او الدجاج واخر شي البقدونس واللوز ويقدم مع الجميد وعند التقديم بنسقي الرز بالمرقه وببلش الهجوم ونسف المنسف وهاد هو المنسف الاردني الاصلي وطبعا طعم وريحه بدوووووووووووووووخ اشي مش طبيعي واتركم مع الصور والعذاب

P030412_15.21

P030412_15.21

P030412_15.21

P030412_15.21_01



هاد كان غدانا اليوم وصحتين للجميع عملته بالدجاج لانه اولادي ما بحبو اللحمه :44::icon33: وفي صوره منسف باللحمه طبعا اطيب :35: عملنا يوم عزومة لما طلع زوجي من المستشفى بعد ما عمل عمليه الزايده والحمد لله الي طلع بالسلامه :27:



ويارب يعجبكم الموضوع لانه اول موضوع الي بكل المنتدى وانا قررت اشارك لاني بالفعل استفدت منكم بكتير شغلات والله يديم الصحه والعافيه عليكم يارب ويسلم اديكم على كل الي بتنزلوه بهالمنتدى الي اكثر من رائع لانه فعلا اتعلمت اشياء كان نفسي من زمان اتعلمها وياريت تشرفوني بردودكم الحلوه يا حلوين لحتى اتشجع وانزل كل الاكلات الي بعرف اطبقها :icon28::26: