اليوم جبتلكم طريقة عمل المنسف الاردني
وطبعا هو من الاكلات المشهورة عنا
يقدم بالاعراس والعزائم
وطريقة تحضيره سهل وبسيطة
ملاحظة : 1-المقادير حسب عدد افراد العائلة
2-ويوضع المنسف بصدر كبير دائري
3- الرز لازم يكون رز مصري مش رز حبة طويلة
4- اللبن لازم يكون جميد ينقع قبل بفترة (ساعة)وممكن حسب الرغبة شنينة او لبن عادي كمان كل شي بصير منسف بالاخر
ويخلط ع الخلاط ويفضل ان يخلط باللبن الرائب
خلينا نبدا
اولا : ننظف اللحمة بخل وملح , ونضعها بطنجرة مع ماء وورق غار وحب هيل
ونضعها على النار حتى تستوي
وكل ما كانت اللحمة مستوية اكتر كلما كان المنسف اطيب
تانيا : ننقع الرز بعد النقع نصفي جيدا حتى يروح النشا منو
وبعدين نضعو بطنجرة ونحط عليه شوية عصفر(كركم) ونضع فيها شوية زيت قلي ونضع عليه
ماء اكتر بقليل من مستوى الرز ونضعه ع النار
تالتا : عندما يغلي بنوطي الغاز لاقل درجة
ونتركه يستوي ع مهله لحد السواء
نضع اللبن بالخلاط ونضع عليه ملعقة نشا ونخلطو جيدا
ثم نضعو بطنجرة
ونضع عليه ماء اللحمة بعد تصفيتها ونضعه ع الغاز
مع ملح ومع التحريك المستمر
(في حال عدم التحريك يفرط اللبن)
بعد ان يغلي اللبن نضع عليه اللحمة ونوطي الغاز
ونتركه قليلا
نضع خبز شراك في صدر التقديم
تم نضع عليه الرز بشكل مرتب ودائري
نقوم بوضع اللحمة في منتصف الصدر ونضع عليها اللوز المقلي
ونرش عليها بقدونس مفروم ونصب عليه اللبن
وهيك بكون جاهز للاكل
::
وصحــــــــــــــــــــــــــــتين وعــــــــــــــــــــافية:26:
طبعاً هالطبخة للبنات الي مابيعرفو يطبخو فرصة بتعلّمو ويجربو بأهلهم بأكلة المنسف