المنسقة الإعلامية....؟

مرحبا عزيزتي friends

أعتقد إنه المنسقة الإعلامية .. تصور وتوثق كل الفعاليات والأنشطة اللي تسير في المدرسية ، تسوي إعلانات وستاندات عن المناسبات المختلفة .. وتكتب تقارير عن فعاليات وأنشطة ومشاريع المدرسة وترسلها للجريدة .. .. وإذا عندكم فعاليات في المدرسة ممكن تستدعين الصحفي المختص بالمدارس ، عشان يسوي تحقيق صحفي ، ونفس الشي بالنسبة للإذاعة والتلفزيون .. ويكون عندك أرقام الناس اللي في التلفزيون والصحافة وفاكساتهم مب كل مرة تدورينهم يعني تقريبا عتبريهم من الأرقام المهمة .. ولازم يكون عندك كامير فيديو وعادية وديجيتال .. وتعرفين كيف تستخدمينهم .. ودايما لازم يكون عندك أفلام وفلوبيات احتياطية وكاميرا الفيديو دايما تكون جاهزة ومشحونة .. بعد كل استخدام تعيدين شحنها .. عشان ماترتبكين يوم الفعالية .. وخصصي ملف أو ألبوم للفعاليات .. انتي بترسلين الفعالية للجريدة ولازم يكون عندك نسخة في الملف .. واحتفظي بالأفلام والنيجاتيف .. وبالنسبة للأشرطة خصصي شريط لكل فئة أو نشاط ، وكل شريط اكتبي عليه عنوانه عشان ماتدورين عليهم وقت الحاجة .. وكوني دايما مستعدة .. أنا ماعرف شو تخصصك لكن أعتقد إنك لازم يكون عندك خبرة باستخدام برامج التصميم والرسم والفلاش والبوربوينت بيساعدونك في مهمتك والله يوفقك إنشاءالله ..

مساء الخير أختي :
اسألي المديرة عن التعميم تلقين فيه مهام المنسقة الإعلامية ،،،،،

أنا كمان منسقة اعلامية : اذا احتجت اي استفسار انا حاضرة:27: :27:

ألف ألف شكر للعزيزتين الأميرة الصغيرة ونالو على الإهتمام
وبصراحة انا خفت من المهمة واعتذرت لأني ما أحب أمسك شىء ما اعرفه ولأني أحب أبدع في كل ما يسند الي
ومع كذا ما استغنى عن المشورة اذا لزم الامر ودمتم.

الأخت الأمير ياليت تخبريني ما الأعمال التي قمتي بها

وتعطينا فكرة توضيحية عن المهنة لتعم الفائدة والمعرفة ..