المنطقه الحساسه رجع السواد وعالجته.. شوفي ليه وكيف

السلام عليكم


انا من زمان كتبت مواضيع بخصوص المنطقه الحساسه وسوادها ورغم زيادة وزني الا اني انا المتحكمه بهالموضوع ولله الحمد


لين جاني زمان اغبر و لبست فوط صحيه من اولويز للبشره الحساسه ((بزعمهم ناعمه وقطنيه و مدري وشو))

و كل مره البسها تحكني
و تسوي لي التهاب بسيط بأبط الفخذ و احس اذا لزقت بجسمي مع الجلوس و الضغط.. لما احاول ابعدها كأن جسمي يبخ حراره .. يعني زي حراره الحروق لما تحسين حراره تطلع من مكان الحرق

والجلد

من اسمر لرمادي


وانا ما حاولت اعالجه لاني كنت ما احف بالموس و خايفه اشوف


لين دورتي الماضيه.. جاني شي بابط الفخذ زي الحبوب المائبه بس مافيها ماي.. لا جلد عادي
وتحككككككككككككككك

شوي و اطلع دم

ما قدرت اجلس.. اخر يومين بالدوره كنت بدون فوط صحيه لا الويز ولا بطيخ

و يوم طهرت طرت عالصيدليه اجيب مضاد للحساسيه

اول شي حطيت الصباح اسكينول بالنشا و مسحت المنطقه زين زين و بعدها بتنوفيت.. بخمس دقايق هدأ الحكه القاتله والحراره و خلال 48 ساعه فتح المنطقه نوعا ما

و اروح الدوام و احط اسكينول و احط بتنوفيت مره ثانيه بنص اليوم و لما يجف شويه حطيت نشاااااااا عشان يهدي الحكه

بعدين بالليل امسح باسكينول و احط خلتي الخاصه بالتبييض للمنطقه الحساسه

و احط منها كميه لا بأس بها مو مسحه صغيره .. لا اخليها شويه زينه

و ادلك بكل ما فيني من قهر

و البس عادي و طبعا توسخ الملابس عشان جنين القمح

و بس انام


خلال 3 ايام خف الاحمرارا طبعا كثييييييير لكن مستمره عالبتنوفيت حتى 5 ايام لين تروح الحبوب الغريبه تماما

و الخلطه رجعت لها بشده وخصوصا اني لما حفيت المنطقه ثاني يوم .. شفت بلاوي من الفوط الصحيه ما كنت ادري عنها

؛؛؛ الحف بطريقة الاخت فيفي بالنشا وعالناشف: حلوه وسريعه بس انا مو متعوده عالموس فما عرفت انعم المناطق الصعبه

يوجد حكه طفيفه