المنطق والتباهي بين الحاجه والفشخره ،،، تحملوني بتفلسف

السلام عليكم خواتي الغاليات ،،،، بدخل بموضوعي طوالي اول خميس بعد الاختبارات أهل زوجي عندهم عزيمه مره كبيره وبحكم اني من زززمان عن الأسواق بسبه البيبي الجديد وعمره تسع شهور يعني لاحظو كم لي عن السوق قلت لزوجي أبي ملابس لأطفالي وانا وحده عند أهل زوجي أكشخ عيالي بالغالي والزين قد ماقدر بس هالمره صار أبو الشباب مسلف خوي له وقال مامعي لو تموتين وأترجاه يالله بالزور والطقاق عطاني لكل واحد ميه ريال !!!! يعني 300 ريال طبعاً رحت حياه مول اليوم وبقرارة نفسي عارفه راح اطلع مثل مادخلت وخصوص انا وحده مو اي شي يعجبني والميزانية ما تساعد أبد أبد وأدوار من محل لمحل لمحل تكسرت رجولي لين دخلت مذر كير وألقى بدله مو مره يعني 180 بدون قبعتها وجوارب بها بميتين وعشرين :ohmy: جلست اقلب برأسي على كذا لازم واحد امشي حاله ماشتري له لكن ترددت وأذن المغرب واطلع قلت بشوف ان لقيت افضل وأرخص وإلا رجعت وأخذتها المهم صليت عند رد تاغ وجلست عالكراسي اللي عنده انتظرالمحلات يفتحون وأشوف إلا رد تاغ مسوين تخفيضات 70 بالميه قلت يابنت مو دائم الحال صافي ادخلي وشوفي ممكن ألقى شي منا وإلا منا طبعاً دخلت للرؤية بس والله يابنات لقيت أشياء أقول لنفسي ويني من زمان طقمي أشكال ألوان موديلات مقاسات اللي تبين انبهرت تخيلو أخذت 3 بدل مع شرابتها وحزامين وجزمه الله يعزكم للنونو وقبعه له وقسام للرضعات تخيلو بكمممممم 176 ريال بسسسسسسسس تصدقون حاطه 300 بيدي وزايدتها 50 كانت معي :pinklove: يوم قالي تفاجات وادفع واطللللللللع والدنيا حلوه واتقهوى بالباقي وأخذ عشاء لعيالي واطلع والله يابنات المسالة صارت سهله وانا أعقدها شوفي الفرق والمحل على فكره ماكان مليان إلا من الأجانب ولين قلنا قلنا الأجنبي ناهب البلد لا والله الأجنبي يعرف وين يحط فلوسه ويوازن الأمور والسعوديات عند مذركير وجاكادي وسيرجنت ميجور ودفع خذها دفع بالالاف هاذا اللي نهب فلوسنا والأجنبية تطققم لعيالها من الى مايو صل حسابها 300 ريال وقلبها موجعها والله غيرت أشياء كثيره بنفسي اليوم وأتمنى تكون وصلتكم رسالتي ومعليش طولت عليكم يا حلوات
ٍ