مساء الخير على الجميع
حبايبي قبل ما ابدئ موضوعي الصراحة احترت وين انزلة فقررت بالنهاية اني احطة هنا والاخوات المراقبات بعد كذا يشوفون المكان الانسب وينقلونة .. الله يجزاهم خير
ببدئ بالموضوع على طول
ثالث ايام عيد الاضحى المبارك اجتمعنا وقلنا نروح للكورنيش وخصوصا الايام هذي الجو خطيييييييييييير وما يتعوض المهم جهزنا العدة وركبنا السياره وعلى وين ----> على كورنيش الخبر
وطبعا غني عن التعريف للي راح له جلستة واااجد حلوه والمكان مررره روقان ..بس اي نعم بس
هناك بس وبسات كثيرات ولكن ليس بسبب سوء الكورنيش او نقص خدمات من الحكومة او البلدية لا لا انما من البشر نعم البشر
المهم حطينا الفرشة وطلعنا الشاهي والقهوه والحركات والكيك والقعده رووووقان :buck:
طيب وين المشكلة اجل يابنت شيخ الرجال ...
المشكلة ان القعده ما تحلو كامل لية لأن في اشياء تنغص عليك طيب غصب ..والحين جايتكم ببعض منها واشهرها:
1ـ (لعب كرة القدم) مع ان هناك لوحة كبر ابليس تقول ممنوع لعب كرة القدم لانة اماكن جلوس عائلات .. وطبعا الخوان مطنشين واخر شي يهمهم النظام والقانون .. الا وذيك الشلة وياليتهم شلة اطفال ولا مراهقين والله تنبلع الا شياب رجال اعمارهم مابين 38 والـ 45 ويلعبون كوره ولا كانهم بين عوايل وحريم وقسم باالله طول ما احنا قاعدين انا وخواتي ووجينها قايلة كذا :icon810: من الخوف لا تطير راس وحدة مننا (اول المنغصات)
2ـ (الدبابات ---> السياكل ) هناك ممشى للرياضة واللي يحب يتمشى او يرفه عن نفسة والممشى هذا صراحة روعه مرتب ومرقم على عدد الكيلومترات وكراسي للي يتعب وشي اخر دلال .. طيب وين الشكلة المشكلة بهالمزعجين والمتخلفين فجأه واحنا نمشي يجيك ذاك اللي يشخط من جنبنا ويطشرنا تطشير قسم باالله متنا من الخوف وحريم ورجال كبار سن واطفال ولا كأنه سوى شي :angry2:ويجيك عقبة خوية ويخمس بالدباب تخيلو بالممشى (ثاني المنغصات).
3ـ (المزبلة والمخلفات وبقايا الاكل) عاد هذا اعظمها هذا بحد ذاته موضوع لانه بصراحة يعكس شخصية الانسان ومدى نظافتة ولا تقولون نظيفين بس ببيتهم لا لا لا النظيف نظيف بكل مكان اذا كان دينا يحثنا على النظافة وعدم اذيت اخوانا المسلمين.. الموهم
جوكم ذيك الشله خمس بنات واخوهم المليح فجأه قعدو جنبنا وجايبين كياس من ماكدونالدز وعلى طول على العشب يعني واضح انهم مش مستعدين للكورنيش يعني بدون فرشة ولا عدة .. اكل والسلام .. تجمعوا على ذيك الكياس كأنهم ذباب على عسل ولا تقل اسود مجتمعين على فريسة ما تشوف الا روسهم .. :boom:وعقب سويعات خلصو اكل وقامو ولا نلتفت انا وخواتي وما تشوف الا اشكالنا
:eek::eek:
ماله داعي اتكلم اخليكم مع الصور ابلغ واحسن
شرايكم .. ما اقول الا لا فظ فوك يا (أحمد الشقيري)
الى متى وهذا حال تعاملنا مع الاماكن العامة الى متى واهمالنا لنظافة ديرتنا الى متى تلوث هاالبيئة ياناس حتى دينا يحثنا على النظافة هذي جزء من اخلاقياتنا كمسلمين ..:angry2:
والله يا اخوات ان درام الزبالة الله يكرمكم ما يبعد عنهم الا تقريبا 3 متر او اقل يعني بتتكسر يدينهم اذا لمو قرفهم وزبالتهم وخذوها باليد وهم ماشين اساساً مارين على الف درام زبالة..
حتى الهندي او البنقالي اللي يشتغل بالبلدية وينظف بعدنا شلون تتوقعون يحترمنا وهو يشوف مننا هذي التصرفات ..
لقد اسمعت لو ناديت حياً .. ولكن لا حياة لمن تنادي
بأنتظار ردودكم ومناقشاتكم الهادفة طبعاً :26:
هادي العباره تكفي عن اي نقاش
لافض فوك يا قلبي