حبيت اليوم اشرح لكم طريقتي في المندي 000
ودائما اذا صار مالي خلق اطول في المطبخ اختار هالاكله
لانها سهله كثير وماتطولين في وقفة المطبخ
والاحلى من كذا ماتستهلكين مواعين كثيره
اما الطعم والنكهه حكايه ثاااااانيه
شوقتكم صــــــــــــح
بســــــــــم الله
نبــــــــــــــدأ
رز مغسول ومنقوع
::: مقاديـــــــــــر حشو الدجـــــــــــــــاج:::
على حسب كمية الدجاج اللي عندك تقدري كمية الحشو
بصل مفروم نااااااعم
فلفل بارد مفروم ناااااعم
جزر مبشور نااااعم
عصير ليمونه
ثوم وزنجبيل مبشورين ناااااعم
نجمعهم بزبديه ونبدأ نتبلهن
بـ الملــــــــــــــــــــــح
بهـــــــــارات مشكلـــــــــه
دبس الرمـــــــــــــــــــان
كـــــــــــــــــركم بس لاتكثرون
نخلطهم مع بعض ونحشي فيها الدجاجه مابين الجلده واللحم
نحشيهم مظبووووووط
وندهن جلدة الدجاج بشوووووووووووية زبده مملحه
الباقي من حشوة الدجاج نضيف له اي نوع خضار انتي ترغبين فيها مع شوية مكعبات من البصل
انا هنا اضفت الكوسه
وبالعاده احط قطع من البطاطس احلى والذ من الكوسه بكثييييييييييييير
الى هنـــــــــــــــــــــا نكون خلصنا المرحله الاولـــــــــــــى
انتظروني بالبقيــــــــــــــه
"الرجاء عدم الرد حتى اكتمال الموضوع"
الحين وصلنا للمرحلة الثانيه في الطبخه
على النار نحط شوية سمنه او زبده بخلوطه بشوية زيت والهدف من السمنه او الزبده يعطون نكهه للاكل وتخلي الرز مفلفل
نحمس معاها شوية بهارات صحيحه مثل الدارسين وورق الغار وحبات الهيل والمسمار وشوية بصل مفروم زنجبيل طازج وثوم
وشريحتين او اكثر من الفلفل البارد للنكهه
ومجرد ماتطلع عندنا الريحه ويصير البصل شفاف
ونتبل المرقه بمكعب ماجي وملح ونرفعها من النار 00ما يحتاج نخليها تطبخ
الحين نصفي الرز المنقوع ونفرده على صينيه تيفال
ونضيف له قرنين من الفلفل الحار حسب الرغبه
نضيف فوقه المرقه اللي سويناها مجرد ما يتغطى الرز 00لا تحاولين تكثرين ابدا حتى ما ينعجن الرز
نغطيه بطبقتين من القصدير ونحكم اغلاقه من الجوانب
ونخرم وجه القصدير بهالطريقه
نضيف الدجاج والخضار اللي تبلناها
نغطي الدجاج مظبوووووط بالقصدير ونحكم اغلاق الجوانب
وندخله للفرن وهو حار00وطبعا نكون مجهزين الفرن قبل بوقت 00نظبط درجة حرارة الفرن للوسط طبعا نكون مشغلينه من تحت
ونحسب له من ساعه الى ساعه وربع على حسب حجم دجاجك وكمية الرز
انا هنا استخدمت الدجاج ابو 700 قرام وتقريبا ثلاث كاسات مليانه من الرز
((أعذروني الخطوه هذي ما صورتها بس تراها سهله كثير))
بعد مرور الساعه تكوني مجهزه فنجال كبير او زبديه حديد صغيره وتملينها زيت وتقطين فيها حبه من الفحم وتحطينها مع الدجاج ونرجعين عليه القصدير مره ثانيه علشان يتشرب نكهة دخان الفحم
احسبي لها اربع دقايق بس سكري الفرن من تحت وولعيه من فوق
وبعدين شيلي القصدير علشان يتحمر الدجاج من فوق
وتمتعـــــــــــــــــــــــــي بأطعم منـــــــــــــــــــــــي على الاطلاق
زووووووووووووووووووووووم
طبعا انا هنا ماحمر الدجاج لاني كنت مستعجله
ولو اني محمرتها راح تشوفون لون ذهبي ودجاج مقرمش من بره بسبب الزبده المملحه اللي دهنا فيها الدجاج
×الطريقه مره سهله لاتخافون من كثره الخطوات بس انا صورت لكم كل الخطوات علشان تكون واضحه والا هي ماتاخذ منك وقت في التجهيز
×ان شاء الله كل شي واضح ولاتنسوني من دعاويكم اللي عودتوني عليها