المنقبات والمحجبات مواقف مرة عليكم فرفشو شوي

السلااااااااام عليكم خواتي المغتربات اكيد كل وحده منا مرت بموقف محرج ويضيق الصدر:( عاااااااااارفه وان شاء الله تمسكنا بدينا يكون في ميزان حسناتنا:42: لكن قصدي موقف خلاك تضحكين والسبب نقابك او حجابك انا بابدا
مره في دزني لاند ادور انا وزوجي وبنتي صغينونه في العربيه شوي والله الاقي اللي يصورني بكاميرة فديو انا عادي تعودت اني اشوف احد يصورني لكن المره هذي غير يصور عيني عينك وكامره وش كبرها لا وجنبه واحد يأشر بعد انا ماااااهمني لكن خفت زوجي ينتبه عاد ما عنده تفاهم بيروح يهاوش واسحب زوجي واقول يالله نروح هناك ووقفنا عند لعبه وركب زوجي وبنتي وجلست استناهم ويااااااااااااقلبيه :eek: نفس الرجال يلاحقني ويصور والله البلشه ويطلع زوجي واسحبه ابي نبعد شوي الا الرجال اللي مع المصور ينادي زوجي وانتبه زوجي للكامره وعيونه تتابط شرا جلسو يتكلمون وانا عيوني طايره ووووووووواو زوجي ضحك ارتحت قلت الحمدالله ما فيها هوشه وسالته خير وش يبون قال يا المتنحه(يعني ياللي عقلك متبري منك) لهم ساعه يصورونك ما انتبهتي قلت بكل برائه: اناااااااااا صدق (الله العالم من المتنح):22: قلت ليه خير قال هذول من الجهه المسؤوله عن تدريب الموضفين الجدد في دزني ويصورونك عشانك منقبه يبون يعرضونها عليهم ويفهمونهم ان زوار دزني من كل مكان في العالم بغض النظر عن الثقافات والعادات والاديان ويبون ياخذون الاذن (والله طلعو ذوق) عاد انا بزيت (يعني افتخرت بعمري) وقلت ووافقت؟ قال: اقول امشي بس وسلامتكم
يالله عاد بنات اذكرو مواقف واذا ما عندكم عاااااادي الفو اي شي هههههههههههه خلونا نضحك