انا يا بنيات اهم شيء عندي المهاد عيالي يجون 6 شهور وأنا أمهدهم لأنهم مستحيل ينامون كذا لانهم المساكين يفزفزون ويصارخون ولا يأخذون نومتهم عدل الا اذا مهدتهم
وانشاء الله تبوني أشيل الطفل مومهد كان عزالله سبقني مع الدرج هههههههه
لكن على قولت ناس مهديه علشان يمشي مضبوط وبسرعه كله خرابيط مهدت ولدي الاول الين جاء عمره 7 شهور يا حياتي ما مشى الا بعد سنه واربع شهور لانه كان دبدوب كثيييييييييير

جزاكم الله ألف خير طمنتوني

اختي الاميره الصغيره.....
نحنا عندنا اعتقاد (اقصد اهالينا) ان الولد لازم ينقمط لين يصير عمره 6 شهور والبنت تنقمط لين اربع شهور, انا عني ولدي عمره 4 شهور ونص ما ينام الا بالقماط لاني ما احسه يرتاح في نومه الا بالقماط, لان القماط يلمه ويريح عظامه واهم شي فالموضوع مايخليه يفزز في رقاده....:21: ولا شوه رايج انتي؟؟؟

آنا برايي ان المهاد مو ضروري وبالعكس مضاره اكثر من منافعه أو شي يعيق حركة الطفل وثاني شي كثرة الشد تسبب عدم راحته بالتنفس ةهذا على كلام دكتور وشوفو الأجانب ما يمهدون عيالهم من احسن ما يمكن وولد عمي رئيس قسم العلاج الطبيعي بالمستشفى يقول لا تمهدووووووووووون بالمره لأنه مو زين على العظام وانتو كيفكم آنا بصراحه ولدي مو مخليني امهده حاولت بس رافض بالعكس اذا مهدته يبكي ويتعصر وما ينام بس افكه ينام مرتاح وعلى فكره نسيت شي بعد ترى يبطئ من حركة الدورة الدموية بالجسم بعد......

وهذه العادة القديمة السيئة اللي لي الحين فيه ناس كثييييير ما يخلونه ومقتنعين فيها لازم يتنبهون حقها...

فعلا قطوتى كلامك مضبوط ...اختى كبس نفس الطفل بالمهاد وخلافة مضر له لانه لا يستطيع التحرك بحريه ولذلك تجديه يبكى بدون سبب والسبب هو انه يشعر بالتقيد .. وايضا ممكن ان يشعر بالحر... اتركى الولد بدون شىء وارتخاء الجسم ثم تصلبه يحدث طبيعى وهو تطور فطرى ولا يؤدى اللف والكبس باى فائدة ... وبالعكس اللف ممكن ان يضغط على اعضاء الجسم الداخليه خاصا الكلى ويسبب مشاكل خطيرة فيها.... وكما قالت قطوتى يبطىء من سريان وتدفق الدم فى الجسم وممكن ان يسبب هذا الى موت سريرى للطفل( الله يحميه ويحرسه)... انصحك لا تمهدى ولا شىء...