ترا جميع الاعمال الاداريه فيها كمبيوتر صادر و وارد سكرتاريه مراقبه حضور وغياب الموظفات
لكن يبقى مدخلة البيانات الي عملها كله كمبيوتر طول اليوم
من ناحية ترفضين العمل الي تكلفك به المديره مو من حقك
انت بمسمى مساعد اداري اذا تقومين باي عمل اداري يوكل لك
انت ممكن توضحين للمديره انك ماترغبينه و السبب وتشوفين
اذا توافق تكلفك بعمل اخر
لكن في حال ان الاعمال الثانيه متوزعه طبيعي راح تعطيك العمل الفارغ
و مو معقول تشيل وحده من عملها عشان انت تبينه
متى ممكن ترفضين العمل وتطلبين غيره
سابقا لو كنت كاتبه ومسكتك مراقبه و مسكت وحده بمسمى مراقبه أي عمل اداري ثاني
هنا انت احق به و من حقك ترفضين
لكن بما ان مسماك مساعد اداري فما ادري اذا لك احقيه هنا او لا لان مسماك يشمل جميع الاعمال
لكن الاكيد لك الاحقيه تطلبين عمل اداري مكلفه فيه معلمه لان الاعمال الاداريه كلها مو للمعلمات
ايضا العمل الاداري ممكن يتغير كل سنه ترا ممكن سنه تمسكين مراقبه
الي بعدها صادر و وارد بعدها شي ثاني
وممكن تستمرين فيه نفسه على طول هنا على حسب المديره و على حسب شغلك
وعلى حسب الحاجه
العمل الاداري اذا كلفتي بعمل راح توقعين على اعملك المكلفه فيه
يعني مثلا صادر و وارد راح تحتوي الورقه العمل الي ماسكته و الي يطلب منك
تسوينه و السجلات و الملفات الي تستخدمينها
و بعدين يكتب فيها القيام باي عمل تكلف به من قبل الاداره
عموما الامور هذي تختلف من مديره لمديره وكل مديره وطريقتها
عموما كمسمى مساعد اداري وصف عمله القيام بكل ما يكلف به من الاداره
فحتى لو ايش تقدر تجيك بالتعميم الرسمي الي مو لازم لك فيه توقيع
بانه من مهام عملك رضيتي او مارضيتي
لكن يبقى لو المدرسه مكتفيه و الاعمال موزعه و انت مثلا ماسكه مراقبه فقط
وتجي تطلب منك عمل الموظفه الثانيه الي متكيه على مكتبها وهو مايخصك كمراقبه
ممكن ترفضين
لكن الامور هذي انت تعرفينها بنفسك و اوزنيها صح
متى ممكن ترفضين ومتى ممكن تتنازلين
لاتكونين دائما ترفضين ولا تكونين المغفله الي توافق على كل شي
من ناحية ممكن يكلف بنفس المهمه اداريتين هذي بعد على حسب عدد الاداريات
يعني فيه مدارس كل مرحله مراقبه و فيه مدارس كل كم مرحله مراقبه
وفيه مدارس مافيها الا مراقبه وحده
لاتتوقعين تمسك كل مرحله مراقبه لان جميع ادارياتها بمسمى مراقبه
و تترك الاعمال الاداريه الباقيه بدون موظفات
هنا طبيعي راح تقسم الاعمال الاداريه جميعها على جميع الموظفات
منهم من راح تمسك مراقبه ومنهم صادر و وارد و فيه مدخلة بيانات
او حضور وغياب الموظفات او .. او .. او..
تختلف التقسيمات على حسب عدد الموظفات بالمدرسه
وطبيعي ماراح تقول لوحده امسكي مراقبه مرحله و صادر و وارد
وتقول للثانيه امسكي مراقبه مرحله مع حضور موظفات
لكن نرجع و نقول على حسب عدد اداريات المدرسه وتقسيم المديره
المهم انك تحصلينها ماظلمتك بالعمل
فيه وحده ممكن تمسك مهمتين لكن كلها سهله والثانيه مهمه وحده لكن شغلها كثير
من ناحية افضل الاعمال الاداريه
الراي يختلف من شخص لشخص ممكن نقطه اشوفها ميزه غيري يشوفها سيئه و العكس
المشكله ما اقدر اعطيك التقسيم للاعمال بحذافيره لانه امر يختلف باختلاف المدارس وعدد موظفاتها
كل مازادوا الموظفات زادت الاعمال الاداريه وقسمت بشكل تفصيلي اكثر
لكن بقول لك لو مسكتك سكرتاريه العمل الي لايمكن امسكه انا عمل المديره و المديره هي عملي
اكون مرتبطه ارتباط كلي بالمديره و انا ما استحمل هالشي و شغلك من اول لاخر يوم بالدوام
الصادر و الوارد مافيه شغل كثير ممكن يمر عليك يوم و يومين ماتسوين شي
من ناحيتي ما احب اتكي بالدوام فاضيه انا اشوفها سلبيه
شي ثاني عمل الصادر و الوارد متصل بالاداره انت عمل الاداره و انا ما احب اكون عمل الاداره
شي ثاني ممكن في اغبى يوم و اغبى لحظه يجي لك عمل
يعني خل نقول مثلا في اخر يوم من الدوام اخر ساعه يطلب ترفعين شي او يوصل للمدرسه شي
مدخلة بيانات هنا راح تكونين على طول على كمبيوتر من ناحيتي ما يعجبني لاني مو مستعده
اقعد على كمبيوتر بالعمل طول الوقت
الشي الثاني راح اضطر اتعامل مع التوجيه باتصالات بسبب انظمتهم الغبيه نور ومدري مين
وحل مشكلاتها وخرابيط
ايضا راح اضطر اتعامل مع جميع المعلمات و الموظفات وفيه عالم وقحه ما احب اتعامل معهم
وايضا ما احب اكون شغل احد افضل شغلي مستقل فيني
حضور وغياب الموظفات تخيلي تتعاملين مع معلمه و تلاحقينها عشان تجيب عذر غيابها؟!!
شي مقرف بالنسبه لي
اوكي هو كعمل ممكن اهون لكن اذا ذكرتي انك بتلاحقين الموظفه عشان تجيب عذرها تنجلطين
امينة عهده تكون مسؤوله عن الارشيف المستودع هذي تكون مثل عملها ارشيف فاضيه لا شغل ولا مشغله
الا بالقليل و بالنسبه لي اشوفها قمة الطفش وتخلي الواحد يكسل
الجدول و الاحتياط الي اعرفه انها اعمال الوكيله لكن سمعت كلام عن امور كثيره الفتره الماضيه
فما ادري هل مازال معهم وهذا الي اتوقعه
لكن لو مو معهم لو تنطبق السماء على الارض ما امسك احد هالعملين
لان كله مشاكل و هواش مع المعلمات لذلك العمل هذا ماينفع له الا وكيله وتراها بتتهاوش مع المعلمات
الميزانيه صحيح عمل على مزاجي مستقله بنفسك لكن انا ما احبه
مراقبه هذا العمل الي تركته و رجعت له
سلبياته شغل شغل شغل تكرفين بشكل مو طبيعي
اي تقصير او غلطه بسيطه منك توضح
تصادم مع المعلمات لان الا ماتصادفين المعلمه الي ماتبي تقوم لحصتها
ايضا راح تتعاملين مع الطالبات و ممكن اولياء امورهم ايضا
من ناحيتي اشوفه تلف اعصاب شديد جدا جدا
تعبت كثير يوم كنت ماسكته ومجرد ما تركته حسيت اني ماكنت عايشه و اكتشفت ان الحياة حلوه
لكن رغم كذا رجعت له لان هو اكثر عمل تنفصلين فيه عن الاداره و مو لازم كل يوم و انا بوجه المديره
عملي مرتبط بالطالبات فقط اذا مافيه طالبات مافيه عمل
عملي محدد ومعروف مافيه مجال يدخل عليه شي ثاني
عموما هو الاكثر تعب جسديا و نفسيا من الاعمال الاداريه الثانيه لكن عندي كله يهون في سبيل اني عارفه
شغلي بحذافيره مالاحد مجال يضغطني بعمل غيره او باستحداث شي مو لي
ايضا في سبيل عدم مقابل الاداره يهون
اذا انت انسانه بارده بينفع لك
المسميات ماله اي علاقه بالشهاده
خلاص الان كلكم مساعد اداري و سابقا بعد كان ماللشهاده اي علاقه بالمسمى
وما تقدرين تقولين انا جامعيه مسكيني العمل الفلاني وهذي ثانويه مسكيها هذا
الفرق بينك وبينها بالمرتبه لا و ابشرك بتلقين ناس ثانوي اعلى منك مرتبه لانهم اقدم منك
من ناحية تقديم اجازه قبل ولادتك ماعندي اي علم باجازات الامومه و الولاده لانها ماتخصني
لكن عموما اشوف كثير يجيبون اجازه قبل الولاده بفتره من مستشفيات
فممكن تجيبين اجازه طبيه هذا شي يحق لك اكيد
لكن انه تقدمين اجازه استثنائيه ماني متأكده لكن اتذكر ان الموظفه الجديده مايحق لها اجازات استثنائيه
في اول سنه
شي ثاني لاتحطين امال كثيره على الاجازه حتى لو كان لك مجال
ممكن تروحين مدرسه ترفض المديره تعطيك استثنائيه وهنا بتقعدين لين ولادتك او تجيبين طبي غصب عنها
اجازة الولاده سمعت انهم رجعوها ستين يوم
ايضا من ناحية الاجازات
الاداريه يسمح لها تقدم اجازه استثنائيه في اي وقت من الترم مو مثل المعلمه
ايضا الاداريه يسمح لها تقدم اجازه استثنائيه بمده اقلها 15 يوم
لان الاداريه ما يضيعون الطالبات من بعدها اذا اخذت الاجازه
لكن
تبقى موافقة المديره على الاجازه مهمه
عذبه انا
•
عذبه انا
•
رغد 14 :
في خبر قراته اختي عذبه مادري هو صحيح او لا ان فيه توجه من وزارة الخدمه والماليه لتغيير سلم رواتب الموظفين العام راح يكون ان شاء الله على مستويات ؟؟ هل هذا الخبر صحيح ممكن ينفذفي خبر قراته اختي عذبه مادري هو صحيح او لا ان فيه توجه من وزارة الخدمه والماليه لتغيير سلم رواتب...
ماسبق وسمعت هالكلام وما اتوقع انه صحيح
المستويات خاصه فقط بكادر التعليم سواء في جامعات او مدارس
زي ما لموظفين الصحه سلم خاص
ومثل ما للدبلوماسيين سلم خاص
و العسكري سلم خاص
ايضا موظفي الدوله المدنيين لهم سلمهم الخاص بالمراتب
ومثل ماقلت ماسبق وسمعت بالكلام هذا وما اتوقعه صحيح
المستويات خاصه فقط بكادر التعليم سواء في جامعات او مدارس
زي ما لموظفين الصحه سلم خاص
ومثل ما للدبلوماسيين سلم خاص
و العسكري سلم خاص
ايضا موظفي الدوله المدنيين لهم سلمهم الخاص بالمراتب
ومثل ماقلت ماسبق وسمعت بالكلام هذا وما اتوقعه صحيح
عذبه انا
•
الصفحة الأخيرة
ان فيه توجه من وزارة الخدمه والماليه لتغيير سلم رواتب الموظفين العام راح يكون
ان شاء الله على مستويات ؟؟ هل هذا الخبر صحيح ممكن ينفذ