المهاواه او اغاني المهدوهي الي تؤديها الأم لينام ابنها

شدعوه ما عجبكم الموضوع

ولا انتوا ما تغنون لعيالكم الى ينامون

موضوع حلو أم عزان
انا اقول
نم ياحبيبي نام
خذ ابزه واسكت
خذ البزه ونام
نام ياحبيبي نام
أمك عند الجاره
وأبوك في الدكان
نام ياحبيبي نام

او اقول
دوها يادوها
والكعبه زاروها
سيدي سافر مكه
جبلي زنبيل كعكه
فرقته حبه حبه
مابقيت الا حبه
والحبه طاحت في البير
والبير يبغى مفتاح
والمفتاح عند الحداد
والحداد يبغى الحديد
والحديد عند الجبال
والجبال تبغى مطر
والمطر عند ربنا
يامطره حطي حطي
على قرعة بنت أختي
بنت أختي جابت ولد
سمتو عبد الصمد .
واذا تذكرت شي برجع لك .

السلام عليكم
بالنسبه لي ما يبقى شيء ما اقوله لبنتي بس عشان تنام المعوذات و الاناشيد و منها
هداده و الرقاده خلو بنيتي تنام على مخيدة النعام و اذبح لها جوز الحمام
و انشوده ثانيه تشبه انشودة ام الثلاثه مع اختلاف بسيط بس احنا نقول هوه يا هوه
و بعد لا اله الا الله محمد رسول الله على بنتي ما شاءالله بنيتي تنام الناني على مخيدة النعام

و صراحه مره عجبتني انشودة الصبح انا اقوم و نفسي في خشمي من الحين ببدا انشدلها
تسلمييييين:)

بسم الله الرحمن الرحيم

بنتي لما كانت نونو ما كنت اغنيلها اقول اذكار النوم بصوت مسموع بعيدن احطها في سريرها وهي تنام لوحدها
لكن لما صار عمرها سنتين صرت اقرا لها قصة بعدين اخليها تقول اذكار النوم واقرا لها شوية قران واسيبها تنام من نفسها
اخوها الان عمره 9 شهور اسوي معاه نفس طريقة اخته لما كانت نونو

هلا والله اختي اشكرك على الرد بردتي قلبي

فعلا ً سبحان الله اذا عودتي البيبي على انك تقرين عليه قرآن او انشوده معينه

مع الايام ينام قبل لا تكملينه له تصير نتومه بسرعه

والله يخليلك اياهم ويفرح قلبك فيهم يارب

هلا والله بالحبيبه ام الثلاثه تسلمين ياغاليتي على هالطله الحلوه

اما انشودتك الثانيه قربيه من اناشيدنا بس اختلاف الهجه انشودتك كلامتها حجازيه

وترى انا احب لهجتكم ووااااايد هلا اختي رمااال وتسلمين ياغناتي على هالطله الحلوه

بس ياحبيبتي الي عنده هالنعمه ما يكون نفسه في خشمه هالله هالله فيهم غني ورحبي فيهم حتى يتبارك يومك

هلا اختي ام جود وهو في احسن من الاذكار وتحصينهم الحمد الله على هالنعمه

لكن احساس الامومه يجبرك ان تهاودين عليهم بانشوده خفيفه فيها ذكر الله

وتسلمون ياحبايبي