دكتورة رانيا :

انا طبيبة اسنان وبالتحديد طبيبة مقيمة في الجراحة الحمدلله حلمت واجتهدت وربي حبيبي اكرمني بتحقيق احلامي بس لاحظت شي في الردود وحبيت اعقب عليه مو عارفة ليه حاطين الزواج والامومة بكفة والعلم والنجاح بكفة يا اما دا او دا ابدا مو صحيح وعن تجربة انا زوجة وام لبنوته بربيها كويس ومهتمة بكل تفاصيل حياتها هيا وابوها وهما اهم شي بحياتي وقبلها كنت بنت لسيدة موظفة وربتني احسن تربية انا واخواني وكانت معانا احن ام واقرب صديقة ما اثر شغلها على علاقتها فينا ولا اثر وجودنا على نجاحها انتي بس شدي الهمة واخلصي النية اهم شي عشان ربي يوفقك وتاخدي اجر على كل الي بتعمليه لانو تعب ومجهود ما حكدب واقول انو سهل توازني بين حياتك الشخصية والعملية لا صعب ويحتاج مجهود وصبر ما اكدب عليكي واقول لك انو ما جاتني ايام فكرت انسحب وبس انام بالبيت بس فكرت ايش حستفيد بنتي حتروح على روضتها وبعدها مدرسة وزوجي على شغله وبالنسبة لبيئتي الكل موظفات يعني لا جارات ولا اخوات ولا سلايف يطلعو معايا اونزور بعض كل وحدة بدوامها حتى الي مو موظفة رسمية وعاملة بزنس مخلية الصباح لشغلها يعني حكون لوحدي ونوم x نوم ! ولما ارجع متاخرة او ايام المناوبات زي اليوم اكون متضايقة انو اهلي متجمعين وانا مو معاهم لكن والله دعوة مريض وحدة تنسيني كل شي الله يجعلها من نصيبنا دايما بس الوحدة يكون عندها عزيمة واصرار تحط هدفها قدامها وتحارب عشان توصله وربي ما حيضيع تعب احد والله ابدا ودايما خلي على لسانك يارب انفع بي الناس ونيتك كلها للله وشوفي كيف التيسير من ربنا معليش قرقرت كتير زي عادتي

انا طبيبة اسنان وبالتحديد طبيبة مقيمة في الجراحة الحمدلله حلمت واجتهدت وربي حبيبي اكرمني بتحقيق...