المهووووور....!!؟؟!!

بنات ليش محد رد علي؟؟؟
يعني سؤالي صعب لهالدرجه؟؟

منو اللي يطلب المهر؟ عفواً يعني عادي عندكم تطلبون جم تبون؟

مجموعة احساس

؟؟؟؟؟؟؟؟؟؟؟؟؟؟؟؟؟؟

كسرتي خاطري ماشفت احد رد عليك

المهم انا برد ولو اني تزوجت وخلاص والحمدلله

انا مهري 15الف فقط

اعطيت ابوي 5الاف هديه ورفض وامي كذلك

الحمدلله 15الف ماصرفت منها ريال

زوجي رفض اشتري شي
وجاب لي كل شي من عنده والله حتى الفستان والقصر بعد وووووووووكل شي

انا ماشريت غير ملابس وعطور ومكايج لا ومن فلوس ابوي الله يحفضه


اختي انخطبت قبل شهرين حطت مهر 30الف

واخت زوجي زواجها بالصيفيه اخذت مهر 40الف

يعني كلن ورغبتها الاب ماله دخل بتحديد المهر

عندنا البنت لو تطلب الف ريال مهر عادي
لان عندنا في عائلتنا ابو البنت واخوانها يفزعون لها

زوجي بالصيفيه اهو الي راح يشتري لاخته الذهب بقيمة 30الف

وكل واحد في اخوانها يبي يفزع بشي

اتمنى اكون افدتك .

انت من وين ؟؟؟؟

اللي اعرفه ان اهل البنت ما يتشرطون مهر !!!!!! .مو حلوه ....

مشكووريين انكم رديتو وعبرتوني
مع اني الصراحه استغربت من ردود بعضكم...!!!

مشكوره اختي الحبيبه ام المجد سعوديه.. اول رد قريته حسيت اني بعالم غير لكن ردج ردني من شرودي :)
وياريت عايلتنا شراتكم بس بالنسبه لبيتنا بشكل خاص البنات الاكبر وانا الدور علي..!!
حبيت اخذ فكره قبل ما اقرر..

اختي ALKOON مشكوره حبيبتي وانا رايي من رايج.. بس لاي درجه قليل؟؟
في الامارات يعطوهم بس وااايد متأخر واحيانا لا.. ولد خالتي متزوج من 5 سنوات تقريبا وحتى الحين ما عطوه شي..!!

خواتي مجموعة انسان و صيد الخاطر.. بصراحه ما عرف كيف عاداتكم واول مره اسمع ان عيب اهل البنت يطلبو مهر؟؟؟ بصراحه انا متفاجأه جدا جدا..!بس انتو من وين؟؟

لكن اذا كنتو مستغربيين نحن عندنا اهل البنت يحددون المهر او حتى البنت بنفسها تحدد.. ماعرف ليش عيب عندكم؟؟ يعني مثلا الريال يقول بتزوج بنتكم بس ما بعطي مهر عادي؟؟
ماعرف بصراحه

لكن كراي شخصي انا دايما كنت انظر ع اساس انها بيع وشرا.. بليز محد يفهمني غلط بس نفس الشي تقريبا (تراني محاسبه :))

وبصراحه نحن عندنا بنات يطلبون بين ال55 الف وال100 الف (درهم)