الموانع بعد النفاس

غالبا الحبوب العادية تنشف الحليب لأنها تحتوي على نوعين هرمون مو فقط هرمون واحد مثل حقت الرضاعة .

لاتنسي ان اي شي تاكليه وتشربيه يأثر فورا عليكم ,, الحبوب ممكن حتى لو مانشفت الحليب راح تغير نكهته ويرفضه الطفل .

وايضا هالحبوب العادية او موانع الحمل الثانية مثل اللولب كثير سمعنا وشفنا حريم يحملو فوقها ..

مافي شي مضمون 100% للاسف .

الحمل رزق من ربي والواحد ياخذ بالاسباب .

جربي هالحبوب ممكن تنفع معك وماتنشف حليبك وتقدري ترضعي ,, اذا لاحظتي قلة الحليب اقطعيها والجأي للرضاعة الطبيعية مع العزل او تستمري على الحبوب وتعطيه الصناعي .

حاولي تتفقي مع زوجك تعزلو 6 شهور لأنها اهم مرحلة للطفل في الرضاعة الطبيعية ,, بعدها خلاص تقدري تفطميه وانتي متطمنه او تكملو اذا ناسبكم الوضع .

الله يسهل عليك .

ايوه صح اذا ربي أرد شي مانقدر نرده بس الوحد يعمل باالاسباب وحبوب الرضاعة مو مضمونه عشان كذا انا خايفه

انا نفسك محتاره

اللهم صل وسلم على نبينا محمد

اهم شي في حبوب الرضاعه انك تاخذيها يومياً في نفس الوقت ماتاخري اكثر من ساعتين ،،
يعني مثلا تاخذيها كل يوم تسعه الليل لو مرا تاخرتي تاخذيها 11 
لو اخرتيها مرا اونسيتيها ممكن يصير حمل ،،
انا استخدمتها سبعه شهور والحمدالله ماحصل حمل ،،
بس كنت حاطه منبه وكل يوم اخذها في نفس الوقت والحمدالله ربي ستر ،،
بصراحه كنت اخذها وانا على اعصابي بس علشان الرضاعه ودعيت رب العالمين واستودعت الله ،،
بعد سبعه شهور خفت الرضاعه واخذت حبوب عاديه ،،
والان انا حامل وان شالله بسوي نفس الشي ماعندي حل ثاني ،،
مع اني مرا خايفه من الان وانا حامل افكر في الموضوع بس وكلت ربي ،،
في حل ثاني اللي هو اللولب بس يخوف ويطول الدوره وانا اساسا دورتي مرا طويله ،،
الله يكتبلي ويكتبلك مافيه الخير ،،