الله يكون في عونك انقهرت عليك وعلى وضعك الله ينصرك ويفرجها عليك
قوي قلبك كوني شجاعه عشان اطفالك حرام يشوفون الخوف بعيونك ويدخل قلوبهم الرعب بدال مايحسون بالامان .
اهلك اذا زرتيهم لا تنامين عندهم خلي زيارتك خفيفه ساعتين ثلاثه واطلعي ولا تخافين من كلام زوجك وتقولين بيعايرني ماعليك قولي له عيالي كبرو والمكان مايكفي استأجرو لكم شقه مفروشه نامو فيها واذا امك تبي تزورك تجيك وابوك اتركيه الله يصلحه ويهديه .
والله لو انا مكانك احس مو متقبلين وجودي واحسهم منزعجين من الاطفال ما اجلس عندهم الواحد اهم ماعليه كرامته وراحته لو اجلس بالشارع انتظر السياره تجي واروح البيت واحرجهم قدام خلق الله .
مشكلتك محمله نفسك فوق طاقتك وشايله هم الدنيا على ظهرك وكاتمه على صدرك وعايشه مكسوره
قوي قلبك لا تتركين شي يخوفك ويرعبك ويأثر عليك عيشي كل يوم بيومه
اللي مثل وضعك ماعنده شي يخسره فليش الخوف والخضوع والذل !!

اسأل الله ان يشرح صدرك وييسر أمرك وان يفرجها عليك ويعوضك ايام افضل من اللي مضت

عندك زوج كريم وطيب
لكن انتي شخصيتك نق قوة عناد وتراددين زوجك الكلمه بعشر.
وضرب زوجك لك ومعاملة اهلك السيئة لك هي ردت فعل على اسلوبك السيء

البنات نصحوك تغيري شخصيتك. لكنك ماتسمعين الكلام ترجعين تطرحين نفس المشكله وتذكري بالقصه نفس الأسلوب.

ابدأي بتغيير شخصيتك ادخلي دورات اقرأي كتب.
وابعدي عن المقارنات ولاتسعي للكمال لأنه ما احد يبلغه.
اكسبي زوجك. ببساطه اذا دخل البيت لاتنقين اعتبريه ضيف زائر دقائق ويطلع.

الله يساعدك ويفرجها عليكي

كتبت رد طووووويل ولكن انمسح ههههه خيره

المهم خلاصة اللي بقوله

ابدي من نفسك الناس تنظرلك حسب شخصيتك وحسب فكرتك عن نفسك

اللي استشفيته من عباراتك انك انسانه تشعرين بالاضطهاد بالظلم بعدم الاحتواء بالضياع

طززززز في العالم كله

اسمعيني محد بينفعك غير نفسك واعمالك وش بتستفيدين قوليلي وانتي بتعيشين الدنيا اللي بغمضة عين تنتهي وانتي عايشتها بنكد وفلان قال وابوي قال وجرحني وزوجي سوى و حط

لا تحسبي كلامي لان يدي في الماء البارد ومو حاسه بوضعك

بل العكس عشت وشفت وجربت

وكثيييييييير حريم نفس معاناتك واخس كمان

ياحبيبتي فكرتك لازم تتغير ونظرتك لنفسك لازم تتغير

قلبك هذا فصلي له باب من امتن الابواب وقفليه بالمفتاح لا تفتحيه لأي احد مهما حسيتي بلحظة انك ارتحتي للشخص وودك تفضفضين له

طبعا احنا هنا مشاعر من خلف شاشه فتعالي فضفضي كل يوم

لكن ادا احد تعرفينه ويعرفك صعب تشتكي له صدقيني احتفظي بمشاعرك لنفسك فقط وراح تبانين انسانه قويه وواثقه ومرتاحه

الغي كل عبارات ظلموني و ضربني و جرحني وبموت وقرفت وتعبت

الى عبارات الحمدلله اللهم انصرني مبسوطه مرتاحه وضحك ومزح وكلام قليل وابتسامه

بتقولين صعب وظروفي ماتخليني كذا

بقولك فيه ناس تغيروا بارادتهم وطبعا بارادة الله قبل كل شي وبالدعاء والاستغفار والعزيمه

بس يبغالك استمرار وتدكرين نفسك كل شوي اي كلمه تطلع منك انتبهي لها اذا سلبيه علطول بدليها علطول بدون تفكير حتى

مو عشان ترضين اللي قدامك

عشان نفسسسك وبتلاحظين بعد فترة انك صرتي انسانه ثانيه واللي تكلمك هذي اللي هي انا

شفت وجربت لا تقولي صعب ومستحيل

المسأله مسألة تعود فقط

الشي الثاني ومهما كان مُر وصعب ومحزن الا انه صحيح

محد يحب الانسان اللي يتشكوى بيسمع لك مره مرتين المره الثالثه تلقينه كرهك وكره جلستك

جلستك مع اخواتك : حبيت هذاك الشي ، انبسطت من ذاك الموضوع ، فرررحت مرره ، الحمدلله مرتاحه بحياتي غيرنا محرومين من اللي عندنا اللهم لك الحمد

عند ابوك التزمي الصمت واسألي عن احواله فقط وبدون ضعف او نظره مكسوره صدقيني بتفرق

مع بناتك : نكته مزح لعبه جري ركض لعبة فواكة اذا تعرفينها ههههه اذا ماتعرفينها اعلمكم عليها ممتعه هههه
امدحي فيهم خليهم واثقات من نفسهم لا يورثون كسرة النفس عوديهم اذا احد كلمهم ينظرون بعيونهم مباشرة ترى بتخلي الشخص اللي قدامك يحس بكمية الثقه اللي عندك
مع زوجك : اول مايدخل البيت علطول فزي اشتغلي وهذي نصيحه لا تستهنين فيها اول مايجي تسمعين صوت الباب قومي على مكنستك لو بيتك نظيف مثلي اهم شي انك واقفه تشتغلين لا تجلسي معاه وجربي هالطريقه بس وعلميني
استمري عليها كل مادخل فزيتي على طبخه والا نفخه والا مشطي لبناتك اي شي
اذا كلمك او هاجمك او سب اسكتي
اغلب الرجال مايمشون غير كذا
وترى يوه يوه ياكثر الحريم اللي يشتكون من دفاشتهم ههههه لكن الضرب امر مرفوض قوليله بدعي عليك اخر الليل اذا مديت يدك علي وشوف كيف الحاكم القوي الامين بياخذ لي حقي
ومن جد اذا ضربك ادعي عليه ان ربي ينصرك مو بالموت والمرض ههههههههه واستغفري طول وقتك بدون مبالغه راح تتغير حياتك مليوووووووون مره
حتى راح تحبي نفسك وفعلا بتحسي انك وحده قويه ولا يهمك فلان وعلان مالت عليهم بس ههههه

تخيلي هذا خلاصة ردي اللي انمسح ههههه
لو انرسل مداك اخدتي يومين ماخلصتي
المهم كمان بقول شغله انتي عبالك اذا شكيتي انه احد بيعطيك اهتمام او احتواء
او اذا اكثرتي الكلام والتبريرات انه ممكن يسمع منك او يفهم مشاعرك
صدقيني الاحتفاظ بالمشاعر خير من رميها على ناس مايستاهلون راح يقلبونها ضدك يوم من الايام