كيفكم بنات
اليوم موضوعي خونفشاري >>>>>>>ماأدري وش تعني بس يالله كأنها مدحة
جبت لكم بهالموضوع الموضة هالسنة
يعني بكل شئ مع اعلام ببعض اماكن البيع بالرياض طبعا بحكم خبرتي فيها
برا الرياض لاتسألوني مااعرف اماكن توفرها
طبعا انا حبيت اوضح لكم وش الهبة اللي هابين فيها الناس وتكون مميزة علشان تلفتين الأنظار بهالصيف
وتسبقين العالم بالموضة ...
طبعا انا متزوجة بس لسى بذوقي ولبسي بنوتة اموت واموت على السبور واللبس الشبابي
عجزت البس لبس المتزوجات >>>>يقولون لهم لبس خاص مدري عاد
بنبداء من هامة الرأس وهو الشعر
طبعا الشعر طايحين بحركة الغرة وراجعين لها بقووووة وطبعا تناسب أكثر شئ الشعور الناعمة
وتكون تقريبا نصف الشعر فهمتوا علي يعني مو بس شوي من قدام لا من نصف الشعر تبداء الغرة
ويفضل كوافيرة خبيرة تضبطها لك
وبعد تسريحة الكعكعه مرة هابين فيها بس ماتجي مرتبة لازم تصير شوي حوسة :3_2_21v:
اكسسوارات الشعر
الاطواق شغاله بقووووووووووة هالصيف واشكال والوان
مثل اطواق لوكست والخريطة والريش والالوان الفسفورية الاصفر والاخضر والبرتقالي الفسفوريات وتجنبوا البني واليلكي والكحلي ..وبرضو الكرستال موجودة هالسنة رغم انها قديمة شوي بس مازالت موجودة هالسنة
وهذي صورها .............
التمساح
الخريطة
الريش وينفع للزواجات أكثر شئ
والكرستال
طبعا اماكن توفرها
اولا تلاقونها عند محل بحياة مول بالدور الثاني جنب محلات الاحذية ونكتار ومقابل للسواني
اكسسواريز يوفرها برضو والأكشاك اللي تجي بالأسواق بعد توفرها
بعدها نجي للشنط
انا احب اني اخذ شنطة وحدة غالية وعليها القيمة ولا خمس او ست ب200 و300
مثلا خوذية مثل هالشناط وللمعلومية أهم شئ بأناقة المراءة الشنطة لانها الشئ اللي دايم معاها وينشاف
مو مثل الساعه والجزمة موشرط انها تنشاف بس الشنطة غير
طبعا الموضة هالسنة شنط قوتشي ولويس فيتون 2010 منزلين اشياء روعه
وفية تاجرات بالنت يوفرونها وهذي صورة شنطة قوتشي
وبرضو لويس فيتون منزلين موديل روعه مرة يجنن وفية عند بدون أسم نفس الشكل
وهذي صورتة
وشنطة الخريطة >>>>>بنت عم الطوق اللي قبل
روووووووووووووووووووعه هالشنطة ههههههجتني هدية حبيتها وانسألت عنها كثير
وفية بعد هالنوعية حلوة والاحظها منتشرة ومحليها الوانها الجريئة
طبعا الشنط تتوفر عند تاجرات النت النوعيات الجيدة عاد اللي تبغى الاصلية تلاقيها بالمملكة بمدري كم الف
بس اللي مثلي وشرواي تأخذها من النت افضل
خلصنا من الشنط وأكسسورات الشعر
يتبع لأحد يرد
