الموضوع اخلية اوفر بداخلي

السلام عليكم ورحمت الله وبركاته
كيفكم ياراقيات
انا من النوع الظاهر الحساس جدا
يعني تخاصمت مع كم واحده قبل كم شهر
وللان اعاني من هالشي والقى نفسي اقول مانا بحاجتهم
مايهموني لكن اعتقد انه يهموني والا ليه للان الموضوع عالق بداخلي
قبل كم سنه انصدمت في واحده قريبه مني انها خبيثه وتبحث عن مصلحتها فقط وتكرهني وتهرج فيني وتقلل من قيمتي وحاولت تفرق بيني وبين زوجي
هي الان ماتطيقني والمفروض هذا شعوري
لكن القى نفسي ابغى احتك فيها
ابغاها ماتطنشني او تسحب علي
رغم انه هالشي كانت تسويه بالسر يوم اكتشفتها سارت بالعلن
خباثتها معي
وبدل ما اكرهها احس اني مقهوره من معاملتها وكاني ابغاها تحبني
اقول ببالي انا اكرهها لكن تصرفاتي تثبت لي العكس
اشعر اني اهتم لكلام الناس ونظرتهم لي والحكم علي واني لازم اسوي الصح واني اكون مثالية
وحتى اللي ما اهمه ولو طلبته طلب قالي مع نفسك اذا احتاجني اوقف معه اشوف اني صح لكن احيان اشعر اني تافهه ماعندي مبدأ
واحده زعلت مني بدون سبب عشان احد قالها شي فقط وبعد مدة ممكن شهر جاتني وقالت خلاص طاح الحطب وانا مابخسرك
رغم انه قاطعتني بدون سبب


لقيت نفسي رحبت فيها وفيه صوت بداخلي لكنه ضعيييف يقولي المفروض ما ارجع معها مثل قبل


ممكن يخرب يومي كله ممكن اضيع فرص لي بس لو احد خاصمني او غلط علي وهو معصب
حتى لو تكلم بنبرة عاليه انا خلاص تقفل معي واتعب نفسيا واكتئب
ولا اعرف كيف اخرج من ذي الحاله وليه اسوي كذا
على فكرة متابعه كل اللي بالسوشل ميديا يتكلمون عن تطوير الذات او عن الاهتمام بالذات عشان لا احد يقولي تابعي مختمتهم باليوتوب والانستقرام والسناب
واحاول اتخطى اشياء كثيره بس الجانب اللي كتبته لكم مو عارفة وشلون اتخطاها او اش سببه بالضبط عشان اعالج المشكله من داخلي
احيان اقول ممكن ماعندي ثقه ممكن استحقاقي لنفسي صفر