zawaya-sama

zawaya-sama @zawaya_sama

عضوة جديدة

الموضوع تافه او انا معطيته اكبر من حجمه!!!

الأسرة والمجتمع

بداية انا اكتب هنا لان ماحد يعرفني ولااقدر افضفض لاحد اعرفه بس موضوع شاغلني مره هو تافه لكن مالقيت له حل
انا من فتره قبل ٤ اشهر نقلت لبيت اجار اكبر من بيتي القديم اخذت نفس اثاثي القديم المكسر المعفن وباقي الغرف مااثثتها فاضيه لامكيفات ولااثاث ولا شي
زوجي دمه بارد وانا احرق اعصابي ابغى احس ان لي بيت وابغى اثثه وارتاح . لماكنت في بيتي القديم كان ضيق جدا ونادر مااستقبل فيه ضيوف حتى نفاسي اروح لاهلي استقبل ضيوفي هناك والان الوضع اصعب ليش اروح لبيت اهلي وعندي بيت
الموضوع التافه اني انا فعلا مأجله موضوع الحمل من قبل لاانقل بسبب بيتي وظروف زوجي والان مقرر لي عمليه جراحيه بعد شهرين والله اني افكر في موضوع البيت وين استقبل الضيوف وو
بتقولون اهم شي صحتك والله اني ادري وان صحتي اهم من البيت وضيوف لكن هل انا معطيه الموضوع اكبر من حجمه! زوجي ماعليه من البيت كم مره قال لي انه عادي هذا وضعنا وهذي ظروفنا ماراح اتسلف عشانك يقصد التأثيث( مع العلم اني ماعمري عزمت ببيتي احد) بسببه اعرفه الضيوف ثقيلين عليه مايريحني اذا عندي احد ولايوفر للضيوف شي من ضيافه او اكرام كم مره احرجني قدام الضيوف حتى وان كان الضيوف هم اهلي .. .. غير بيتي اللي مايساعد لايجي بالتفاهم واذا طنشت تمادى ماعليه لا في بيت ولاغيره
كرهت بيتي بسببه ماارتاح فيه ابدا ولا اقدر اعزم فيه احد ولاعاد اروح لاحد حتى لاحد يرد لي الزياره .
كيف اتصرف او كيف اصرّف ضيوفي ماعاد عندي غير الاستسلام😞
46
11K

يلزم عليك تسجيل الدخول أولًا لكتابة تعليق.

تسجيل دخول

نبراس✔️
نبراس✔️
الله يعينك ي قلبي
حاولي ف زوجك
فهميه ذا الكلام
الله يهديه ويسخره لك
شمعة نووور
شمعة نووور
الله يرزقكم ويغنيكم من فضله يارب
لاتشيلين هم ولاتفكرين كل شئ بالدعاء يتيسر ادعي الكريم اللي لأعطى يدهش بعطائه
والله يرزقك برزق ماحسبتي له حساب يارب
الـــ≈روح≈ـــورد
الله يفرج همك عزيزتي...
عواطف تركي
عواطف تركي
فعلاً انتي مكبره الموضوع مع احترامي لك

قدامك واقع لازم ترضين فيه

لا تعيشين تلهثين خلف المظاهر وترفعين راسك لمستوى فوق مستواك عشان ماتتعبين

كلام زوجك صحيح وفيه عقلانيه ومنطق طالما ماعنده فلوس وامكانياته الماديه ضعيفه وش تبينه يسوي ؟

يسرق ولا يتسلف من فلان وعلان عشان يشتري اثاث وضيافه وذبايح وعزايم ومواجيب للناس !
مدي رجولك على قد لحافك والجود من الموجود

واللي تزورك ماهي جايه تاكل وتشرب جات تجلس معك وتشوفك وتسولف وتمشي

كله فنجان قهوه وبيالة شاي وسكر وان حصل ضيافه متواضعه من حواضر البيت تمر او حلا بسيط ماله داعي التكلف

المشكله مو في قلة فلوس زوجك ممكن المشكله في عدم قناعتك ورضاك بالواقع

هونيها وتهون وعيشي حياتك وحبيها مثل ماهي لا يضيع عمرك وانتي واقفه على قائمة الانتظار تحترين الظروف تزين عشان تعيشين وتسوين وتفعلين ويمكن ماتزين وتكونين اهدرتي سنوات من عمرك على الفاضي
مناريتا
مناريتا
الله يعينك صدق البيت اللي أثاثه قديم ومكسر يجيب الضيقه كلميه على الاقل غرفة الضيوف بحمامها تكون على اكمل وجه وماتاخذ وقت تقدرين تستقبيلين فيه الناس وقولي له مو كل يوم بتعزمين هو من فين لفين على الاقل مكان يشرح الصدر وباقي الغرف قفليها خليها مع الايام واذا عالحمل اذا ودك احملي لاتاجلي لاي سبب والله ييسر مع الايام