الموضوع حساس رجاءا محتاجة مساعدة

السلام عليكم ورحمة الله وبركاته
مراحب اخواتي ان شاء الله انكم طيبين يارب؟
نبدأ بالموضوع قبل أمس رحنا لشاليه انا وأمي واخواني
وعيالي المهم في البداية كان الوضع عادي وشوي وامي تنقلب
علي بدون اي سبب بمحاولتها مضايقتي واهانتي نوعا ما وقلت في لحظتها امي
رجعت لحركاتها القديمة لان لها فترة طوووويلة كانت مضبوطة بالمرة معي
مدري وش اللي خلاها ترجع لاسلوبها القديم المهم انا زعلت داخليا
وماحبيت أبين اني متضايقة وبعدين لاحظتها طوووول الوقت تكلم اخواني
وانا تتجاهلني تماما وكأني موب موجودة مع اني اخذ واعطي بالكلام مع الكل
واضحك واسولف مدري وش اللي صاير لها المهم جاء وقت العشا وكانت امي
توزع الاكل على الجميع حتى عيالي عطتهم الا انا ما اعطتني ولاشي وكأني
جدار او مختفية استغربت من تصرفها المهم رجعنا للبيت وانا جدا متضايقة
ما ابغى امي ترجع لاسلوبها القديم اللي معي وهو التجاهل والقسوة

والله ما ادري شسوي حتى اني قلت اخفف مكالماتي معها بس خفت ان الله
مايسمح امري وهو اساسا ما اكلمها بشكل يومي

فجت فكرة في بالي اني اكون جدا ثقيلة وما ابين زعلي وحتى بالكلام معها
اكون هادية لابعد حد وغير مبالية ولاعاد اشكي لها عن همومي ابغى في داخلها
تقول وشفيها بنتي تغير اسلوبها
لكن بدون ما اضايقها او اكون عاقة لها
وش رايكم وعطوني حل تكفون؟

انا مصابة بمس عاشق وحسد واكتئاب ووسواس قهري وخوف
وفوق هذا ما اهتم بشكلي غصب علي ... ساعدوني؟؟؟

على فكرة امي مايهمها الا انه ولدها هذا جميل وبنتي هذي شينة يهمها
الشكل بالمرررررررة الله يهديها 😑