الموضوع عشعش براسي صار هو شغلي الشاغل

اول شي السلام عليكم
انا ام الثلاث اطفال ساكنه دور
كنت ممشيه حياتي وقانعه فيها بدون شغالات صارلي10 سنوات متزوجه عمرهم مادخلو بيتي الحد ماجاء هذا اليوم سافرو اهل زوجي جابو شغالتهم عندي جلست عندي10 ايام وبهذي العشر ايام شفت الراحه اصحى الاقي كل شي مرتب وجميل ونظيف مهتمه بأطفالي تلعب معهم تساعدني بشغل البيت اذا طلعت مول او سوق تمسك بزراني يعني شفت الراحه بذا العشر ايام يوم رجعت الشغاله الأهل زوجي ضاق خلقي وكتئبت ومررره حسيت ودي فيها وطلبت من زوجي يقدملي شغالة ورفض حجته انه دور وصغير وماتحتاجين شغاله مررت الايام وحاولت اطنش وانسى وفعلا طنشت وقمت من اول وجديد الحد ماجاء ذاك اليوم اللي فعلا خلااص حسيت انه ابي ابي ابي عزمتني صديقتي نفس وضعي3 اطفال وكانت الشغاله قايمه بكل شي تغسل المواعين تمسك الاطفال تنظف المكان قلت اااه من زمااان ماعزمت في بيتي كله عشان الحوسه اللي تجي بعد العزيمة واساسا مايمديني اعزم عشان طول يومي حايسه انظف تدرس انوم واطلب من زوجي يقدملي ورفض مررره وقال انسي اجيبها واحنا ساكنين دور لو بيتنا كبير ومحتاج شغل جبتها لكن الدور انتي تنظفينه بساعتين وارجع اكتئب ويضيق صدري واحزن وخلاص تسكرت بوجهي احس اني محتاجتها وانا ناويه احمل قلت مدام وضعي كذا ماراح احمل حتى قلت الزوجي لو حملت جبتلي قال لا اجيبها بحالة البيت كبير فقط غيره انسي انا صار من بعدها مالي خلق بيتي واحس صارت هوس بس ابيها وزوجي يقول لو كنت ادري بيصير كذا ماجبت شغالة اهلي انتي ماخربتي الا بعد ماجبت شغالة اهلي انا وش اللي حدني اتلقف واقول الامي هاتيها عندي ليتني ساكت جبت النفسي الهم ولا كنت مبسوطين
ساعدوني اقوم من اول وجديد المشكله صار هوس بس الي خدامه خصوصا انه جربت راحتها ولاقبل ماكنت اهتم لانه مابحياتي جبتها
غير كذا سلفاتي بنات خالاتي كلهم عندهم ومستغربين ليش ماجبت ودايم انتي مانشره عليك ماعندك شغاله مانلومك حتى الناس تحسسك بالنقص وانك مضغوطه قبل لان مابحياتي دخلت بيتي ماكنت اعرف وش يقصدون بس بعد ماجتني حقت اهل زوجي وجربت نعمه الراحه عرفت وش قصدهم الحمدالله على كل حال والله يديم علينا الصحه والعافية يارب