الله يقطع الشغالات و اللي اخترعهم

فعلا انهم يجيبوا السكتة للواحدة

مافي أحسن منك في ترتيب بيتك و مراعاة زوجك و عيالك

والله تحسين براحة كبيرة رغم التعب الجسدي

عصير كوكتيل


صدقت والله !!

الله يجزاك خير يااخت سندس على هالموضوع لاني بأمس الحاجه له وبعدين أنا ماني متزوجه ولاربة بيت بس متخرجه
وجالسه في البيت وشغالتنا رايحه من شهر(الله لايردها) وخواتي اللي تدرس واللي موضفه وأمي الله يخليها ويحفظهاما نبي نتعبها ...
وأنا محتاسه مره في شغل البيت ودايم انا وخواتي في مشاكل وجدال :11: :D :22:
لأنهم بصراحه مايساعدوني بذمه‘‘وأنا عاذرتهم عشان مشغولين وبعدين سفر الشغاله سبب ربكه ولخبطه في تنظيم وترتيب البيت’’
ولذلك قررت اقوم بكل شي بنفسي واللي طالبته منكم كيف أنظم الشغل من كنس وغسيل ملابس وكيها وطبخ وتنظيف البيت عموما علما بأني أروح لمركز تحفيظ قرآن 3ايام في الاسبوع ولازم أحفظ وأراجع وأنام زين ووقت التحفيظ في العصر وودي إن البيت يكون دائم تمام.........وأسفه لأني طولت عليكم في شرح معاناتي...........
والله يجزاكم خير جميعا

الحان الشقا

اسمك يضيق الصدر ..

والله حبيتك بصراحه .. وكل جهدك باذن الرحمن ماراح يضيع عند الله .. الله يجعله لك أجور مضاعفه يارب
وصدقيني بتستفيدين كثير اذا تزوجت من هالتجربه هذي :)

وبالنسبه لتنظيم الشغل اكتشفت شي من كثر المعاناة مره رهيب
أنك تحددين لك وقت معين تشتغلين فيه ,, أي وقت تكونين فيه نشيطه وفاضيه .. وغير هذا الوقت لاتشتغلين .. لانك ماراح بتحسين بضغط طوال اليوم انك وراك شغل !!
لا .. خلاص الشغل له وقت مثل أي شي ثاني وينتهي ..
طبعا أقصد بتحديد الوقت لبعض الاشياء مثل : الكنس وتنظيف الحمامات والترتيب

أما المواعين فلازم على مدار اليوم عشان ماتتجمع عليك .. أريح بكثير , وولانها تكون مانشف فيها الأكل فبتوفرين جهد ووقت

والغداء طبعا له وقت .. ثم غسلي كل مواعين الغداء وارتاحي

وغرف اخوانك كل واحد ينظف غرفته .. وحتى الغسيل

انت عليك الشي الاساسي وهما لازم يتعاونون معاك على الأقل باشياءهم الشخصيه

واقري الموضوع فيه اشياء مره حلوه ومفيه وتشجعك على الشغل ..
ولاتنسين التسبيح والذكر قبل النوم :)

جزاك الله خير سندس ..
بصراحه انا كنت زعلانه :( عشان ماعندي شغاله لكــــــــــن لماقريت الموضوع حسيت انه في كثير زيي وتحمست وصرت اصحى بدري اسوي فطور خفيف لأبو الكتاكيت ولاراح عمله بالسلامه اغسل صحينات الفطور واقضي على براد الشاهي :23: وارتب المطبخ بشكل سريع بعدين ابدا بترتيب البيت واذا عندي غسيل اشغل الغساله عليه واروح اكنس البيت ............
والساعه عشره عشره ونص اصحي كتاكيتي وافطرهم واشغل لهم افلام كرتون:mouse:
واروح اسوي الغداء :cook:
بعد مانتغدى اغسل مواعين الغداء وارتب المطبخ زين واخذ لفه على البيت مره ثانيه اكنسه وابخره واغيرلكتاكيتي واخذلي دش واريح ساعه ساعه ونص واصحى المغرب اسويلي شاهي واجلس مع عويلتي العب معهم لاصرت رايقه ولا شافوني معصبه :30: ما يقربون مني ........
بعد العشاء احط عشاء خفيف او يجيب ابو الشباب عشا من برا بعد كذا اخذ اخر جوله على البيت وارتب اللي انحاس واروح انام ...
هذا نظامي حاليا والحمدلله ماشي الحال لكن عندي مشكله في الكوي :44:
بصراحه بيني وبينه عداوه :30:احاول انشاء الله اسوي صلح بيني وبينه :11:
وســــــــــــــــــــــــــــــــــــــــــــلامتــــــــــــــــــــــــــكم