السلام عليكم
هلا وغلا بالطش والرش والبيض المفقش
داون تحت ---> انزلوا تحت
هذا الله يسلمكم اهلي بمناسبة خاصه علشان اخوي
جايبين مفطح
واختكم في الله لانها ماتاكل لحم مااكلت شي
قلت ابسوي اكلتي المفضلة وتعتبر عند اهل المفطح مقبلات
عاد صقيقاتي الي ياكلون مثلي تبي تعجبهم هذي الاكلة بس اهم شي
يصير عندك بهارات زينة
والاكلة تخلص بعشر دقايق
قطعي بطاطستين او ثلاث متوسطات الحجم
واذا سويتيها بالظهر كثري شوي يمكن يجي نص الليل وتتذكرين انكي
مااكلتي شي وتلقين الاكلة المنقذه موجودة
احمسي في مقلاة تيفال فص او اثنين ثوم ---> ترا الثوم مايطلع ريحه اذا انحمس
ويعطي طعم زين
ولا تحشرين البطاطس في قدر صغير لانه بيطلع متفاوت النضج
لازم يكون كله مسدوح والعدل العدل بين تلك الحبات البريئة
بعدين حطي البطاطس المقطع مع الثوم واخلطيه شوي
صبي قليل ماء علشان يلين البطاطس لكن انتبهي لا تكثرين موية
خلي الموية في القاع الهدف من الموية انها تخلي البطاطس شوي لين موب مهروس
حطي شوية صلصة نصف ملعقة كبيرة تقريبا
وحطي من البهارات الي عندكم
واحلى شي لو طحنتي لومي وصار مثل البودرة حطي تقريبا ملعقة صغيرة
وملح تقريبا نص او اكثر ملعقة كبيرة
عشر دقايق وتعالي للبطاطس ذوقي حبة منه اذا كان اعجبك مستوى النضج طفي عنه
مااعجبك زيدي شوي موية وغطي عليه
انتبهي لاتنسين البطاطس لان مويته شويه واذا نشف احترق وتصير ريحه البيت دخون بطاطس
اذا الحين انتي راضيه واعجبك خوذي جبن كرافت تشيدر وقطعي مربعات كثر ماتحبين
واحمسيها شوي مع البطاطس نصف دقيقه
ترا الجبنة تعطيه طعم روووووووعة
حطيه في الصحن واذا تحبين الجبن زيدي حبات جبن على الصحن
واذا تحبني الذرة المعلبة اخلطيه معها وحطي فوقه بقدونس
وبالهناء والشفاء
ارجو من المشرفة عدم نقل الموضوع لاطباق عالم حواء