الموضوع مفتوح للنقاش (لمن تتزوجي)

:44:بسم الله الرحمن الرحيم
السلام عليكم ورحمته الله وبركاته

اليوم عندي موضوع وابغى منكم تتفاعلو معايا
الموضوع هو عن (لمن تتزوجي) الي قاهرني:mad:
واكيد في كثيربنات يعانو من الي اعاني منها هذا اذا ماكان كلهم
الي يقهرني ويجرحي انه من اقرب الناس ليا الي هيا امي لدرجت انه لمن اشيل شعر يدي تقولي ليش تشيلي ايش خليتي للمن تزوجي ومين راح يشوفك والله تحسسني بالنقص
وماتخليني اقص شعري اذا قلت لها ابغى اقص شعري واصبغ زي مايسو البنات تقولي لمن تتزوجي انا ماقصيت وصبغت الا بعد ماتزوجت والله اني انقهر هيا غير وانا غير هيا تزوجت صغيره ماشاء الله اما انا لسى
ودحين تقولي انا بشيل الجوال من عندك ماعندي بنات يشترو جوالات مايشيلو الجوالات الي المتزوجات مين راح يتصلك ماتجيبي جوال الا لمن تتزوجي عشان زوجك غيره لا والله بهذا الكلام تقتلني
ولا اذا جات تخرج تفضل اختي المتزوجه عني وتفرق بيننا لدرجة اني قلتها انتي بتخلني اكره اختي وانتي السبب والتفرقه الزياده
واي شي ابغاه اسويه لمن تتزوجي والله طشفت من هذي الكلمه واذا ربي كتب اني مااتزوج انحرم من حقي في الدنيا وسعادتي عشان ماتزوجت:44:
حتى عند صديقاتي ماتخليني اروح لمن تتزوجي
ولمن اروح زواج احط مكياج تقعد تنتقدني ليش تسوي كذا مع انه مكياجي يكون خفيف مرره قدام البنات
وكل شي اسويه تقولي انا ماسويت كذا الا لمن تزوجت تجرحني لانها هيا ماشاء الله تزوجت صغيره 13 سنه واختي كمان ماشاء الله اتزوجت وعمرها 14 سنه
اما انا الحين عمري 21 سنه ايش ذنبي انحرم من اشياء عشان ماتزوجت
وحتى لم اكون قاعده مع خالاتي والحريم تقعد تناظرني عشان اخرج من الغرفه ماتبغاني اقعد مع الحريم ايش اسوي
انا لمن امي تقولي هذا الكلام اكون نفسي اقولها انك تزوجتي صغيره وانا لا بس مااقدر ايش اسوي كيف اتصرف معاها
انا ماني مشفوقه على الزواج ولا شي بس كلامها يقهرني تحسسني اني انا صغيره مالي قيمه ولاكلمه لاني ماتزوجت
كيف اتعامل معاها لني انا من النوع العصبي وحساسه وعلى اي شي دموعي تنزل
ولمن كانو يجون ناس يبغو يخطبوني تقول لابنتي صغيره كنت في الثانوي وصغيره في نظرها ولا تقول بنتي تبغى تكمل دراستها ولا يكون واحد من منطقه غيرمنطقتنا تقول لا بناتي ابغاهم جنبي يسكنون
طيب ليش كل شي تقولي لمن تتزوجي وهيا ترفض الخطاب؟



الي تقولي حاولي في امك انا ماااقدر اتناقش مع امي امي رسميه معايا واذا ناقشتها في موضوع لازم تطلعني غلطانه
انا نفسي اتقرب من امي نفسي اتكلم معها زي اي بنت تتكلم مع امها بس ماقدر هيا شوي قاسيه
نفسي احضنها ولو مره بس عمري ماتجرائت وسويتها لاني خجوله مرره مااقدر








والله يابنات حتى الجامعه اقولها ابغى اسجل في الجامعه تقولي لمن تتزوجي ولا بس اتخيل اني ادرس برى تقولي لمن تتزوجي
لدرجة سرت احس ان الزواج مو زوج وعيال وبس
صرت احس الزواج جنه