والله ما أستغرب غير من ردود البعض اللي يقولون ان الشغالة في البيت بروحها ويا الطفل أأمن بصدمكم بواقع من تجربتي أنا

أنا كنت من الأطفال اللي تربوا على إيد أسوأ الشغالات
أقولكم شو كان يصير؟؟

كنت بنت 3 سنين وأختي كان عمرها سنه وكنا طول الوقت معاها لأن أمي تدرس مسائي من العصر إلى 9 ليلاً وتذاكر طول الليل وترقد طول النهار ونحنا نرقد ويا الشغالة في غرفتها لأن بيتنا كان صغير غرفتين وصالة ومطبخ وميلس خارجيين
المهم من تطلع أمي تبدا تعذبني بأوامرها الللعينة وأنا صغيرة أخاف أتحرك وتقولي قومي سيري ييبيلي ماي من المطبخ ومطبخنا برع خارجي وأنا صغيرة وقصيرة ما أطول الثلاجة أسحب كرسي وأتعلق وأييب لها اللي تباه وإذا رفضت ولا خفت أطلع في الظلام تطلعني برع الفيللا بالغصب وتقفل الباب عني
أتم أصيح وتخوفني تقص لي قصص مرعبة
تخليني بالغصب أدلكها وأسويلها مساج
كل صبح توقف بنا برع وتغازل بشكار اليران ومرة مسكها من صدرها جدامنا
مستحيل أنسى هالموقف مطبوع في ذاكرتي إلى اليوم

يلست عندنا 4 سنين
وفي النهاية ختمتها بحملها المحترم من رحمة ربي فيني اني ما شفت تفاصيل حملها لأنا وياها في الغرفة والحمدلله ما طالنا شر الحيوان اللي كان وياها

وأعرف وحدة من المدرسات كانت تخلي بنتها عند الفلبينية وتراقبهم بكاميرا شافت الهوايل شذوذ جنسي والعياذ بالله ترا مب شرط تكون الشغالة حاقدة ولا كارهة المصيبة في طبايعهم الغريبة