الموظفات المتزوجات,,او اللي عندهم خير او مصادر دخل اخرى, وش اللي لكم وش اللي عليكم

انا معلمه بسس لسسه ماتزوجت بس لو تزوجت امكن شئ واحد اسويه بما اني خرجت من البيت للوظيفة الصباح بااجيب لي خدامه عششان انا ارتاح لااكثرررر



وغييره هو المسؤول عنه ولامانع من المساعده بسس هذا شئ راجع لارادتي

هلا ياقلبي
الف شكر على مشاركتك

بس ودي اسالك هل راح تطلبين منه مصروف بما انه زوجك وواجب يصرف عليك لو شيء بسيط؟
وبالنسبة لمقاضي بنده لو ما اشتراها؟ هل تشترينها؟
ولو رحتوا مع بعض للسوق او بنده عند الكاشير تدفعين او هو يدفع؟
يعني بمثل هالمواقف شلون تصرف الموظفة

انا اول ماتروجت ماكان بعطيني ولا ريال

وكان شهريا مصروف لأمو ولأختو لنو الأم منفصله عن زوجها

بس مرررره كنت ازعل وكنت دايما ارمي عليه كلام انو مصروفي بيروح لأختك

بعدها اتوظفت وسار راتبي ليا وكاما برضو مايعطيني مصروف كنت اصرف من راتبي

بس بعدها جلست في البيت بطلب منو وشرطي له انو اجلس ويعطيني مصروف زي زي امو واختو بصراحه مهمه احسن مني

والان سار عندي شغلي الخاص بس الحياه علمتني مااحط ريال في البيت او حتى اساعدو لنو احس الراجل لو ساهمتي بفلوسك راح يشيل

يدو من البيت ومصاريف البيت معليش دا واجب الرجال انا جوزي ماشاء الله مابيقصر مع اهلو واللي خلاه كريم معاهم يخليه كريم على

بيتو وعيالو غصبن عنو دا واجبو

ودايا اكون حريصه في مقاضي البيت اخرج اشتريها معاه او هوا لوحدو يروح السوبر ماركت

وبحكم شغل جوزي في الخطوط السعويه ودايما رحلات ومسافر قبل مايسافر اطلب منو مصروف للعيال حق كم يوم لنو احيانا يغيب عن البيت يومين تلاته ايام وازا في شي ناقص بامبرز او حليب لبناتي الصغار اطلب منو يجيبها

قبل مايطلع رحلتو اصلا هوا سار يسأل قبل مايسافر ايش في شي ناقص في البيت؟؟؟

في العيد اهلي جو عندي وعملتلهم عشا من عندي ماااخدت منو ريال لأنو عندي ام زوج لسانها سليط اعوذ بالله دايما تقول اني مخسره ولدها واعمل عزايم لأهلي على حساب ولدها وهيا ماتدري عن شي انو عزايم اهلي اللي

بعملها بفلووووووووووووسي ولمنتعرف انو على حسابي يسير وشها قد السمسمه

الشغاله راتبها برضو على جوزي

احيانا بمزاجي لو خرجنا اتعشينا ادفع بس مو كل مره طبعا

مصروف العيد ليا مصروف وللعيال مصروف وطبعا ملابس عيالي انا وهوا نخرج نقضيها لأنو الفلوس تكون عندو بس فلوسي حق مقاضيه في يدي

وبعدين ملمن كتوني عند الكاشير ليش انتي اللي تدفعي المفروض هوا يعني مااظن راجل راح يقول لزوجتو يلا ادفعي لا والله مو راجل

فلوسك لك تعبك وشقاك وهوا يصرف عليكي غصبن عنو باللي يقدر عليه

ماني موضفة للرفع

اكيد لو توظفت راح احط لان المال مهما كان نصرفه بسعادتنا وراحتنا مو نخليه مصدر ازعاج وقلق لنا