الموظفات بالقطاع الصحي يدخلون وخاصه الممرضات

سلاااااااااااااااااااااام
ياليت الموظفات يشاركون ويكتبون نوع وظيفته وطريقه الدوام ومشاكل الدوام وياليت قسمها اللي تشتغل فيه
نبي نعرف متى تصحى وهل تعمل غداء كم لها متزوجه كيف تنظم وقتها وزيارات الاهل
طريقه نومها وترتيبها البيت
واذا عندها شغاله

ببدا بنفسي
ممرضه اعمل بمستوصف لي سنتين

ومتزوجه من 9 شهور
ماعندي شغاله

اواجه معاكسات من الممرضين بس مو معاكسات بمعنى الكلمه يعني بس يسنترون عن الملفات ياسستر نبي ونبي وهم مو محتاجين وطبعا كل الموظفين من نفس القبيله لان مدينتنا صغيره ويعرفون اهالينا وكل شي عنا
وانا دايم اقول لزوجي عن اي شي

طبعا النوم مو منتظم مرات انام العصر واداوم مواصله اوانام بعد الفجر
ومرات مانام الا الساعه 3 الفجر وعلى هالحال
الغداء اهلي يعملونه وامرهم الساعه 2 اتغدى ببيتي وارجع لدوامي
لان الدوام من 7ونص الى 4ونص بس مديرنا يخلينا نداو 8 ونطلع 4 او 4 الا ربع
وكمان سامح لنا بنصف ساعه غدا لان بيوتنا قريبه مره
العشا اتفنن فيه عمري ماسويت خفايف لجل اعوضه
الزيارات عندي متى مافضيت
ترتيب البيت اسابيع اقول ماشاء الله علي واسابيع اقول وش هالحوسه غرفه النوم بس الحوسه والباقي دايم نظيف



ياليت كل وحده تكتب برنامجها
واللي عندها برنامج سنع تفيدنا