الموظفات بليييييز ارحموني بيتي خرب بسبب فلوس!!!

السلام عليكم ورحمة الله وبركاته
كيفكم جميلاتي ،،، حدخل بالموضوع ع طول بدون مقدمات
القصة وما فيها اني طبيبة وزوجي كانت وظيفته كويسة وراتبها حلو وشايل مصاريفنا من الى حتى الرفاهية والكماليات والسفر
الى ما جا يوم وحصلت له مشاكل وترك شغله بسببها وبعد معاناة لقي وظيفة بس تخيلو بربع الراتب اللي كان ياخده قبل و يادوب يكفي حاجاتنا الاساسية والحمدلله
المشكلة انو راتبي دحين صار اكتر من ضعف راتبه ولازم أساعده صرت ادفع للسواق و حضانة البيبي ومصاريفي انا والبيبي احيانا وأقوله خلاص مو لازم تعطيني مصروف كتر خيرك ياما أعطيتني زمان
واليوم بس قلتله خليني أدفع راتب الشغالة عنك لانها تعتبر كماليات وكفاية عليك الضروريات عَصّب عليا وانا مو قصدي اي شي بس هوا يتحسسسس من حكاية اني ادفع والمصيبة انه دا الموضوع اثر على علاقتنا بشكل ما اتوقعتك صار باااااارد معايا لا يكلمني ولا يبغي يحتك فيا اصلا بس كلمة ورد غطاها واليوم لأول مره سهر في الصالة ونام بعيد عني 💔
ادري حتقولولي لا تدفعي شي وخلاص تنحل المشكلة بس لو مادفعت ما حيقدر يدفع لكل شي فحنضطر نستغنى عن السواق والدادا لانه راتبهم لحاله نص راتبه والبنت حضانتها غاااالية جدا لانها انترناشونال وزي دوامي دا اذا ما نقلنا لبيت أهله لأننا حاليا في ايجار ومبلغ محترم كمان وطبعا مافي سفر ولا تماشي ولا اي شي وصعب عليا دا الوضع والله مو دلع بس صعبة تكون الفلوس عندك وإنتي تتعبي وتشقيو محرومة من كل شي وحآطة يدك ع خَدك وتجمعيها
ادري طولت وحكيتكم قصة حياتي بس نفسي احد ينصحني ويفهمني ايش اسوي وايش الصح من الغلط وخصوصا اللي مجرررررربه
شكرًا لسعة صدوركم