مرحبا اخواتي




ماعليش ياحلوات ودي اسال وابغى اجابة عن تجربة


ايهم احسن جنسية للشغالات غير الفلبينيات؟



الرد ضروووووووووووووووري

السلام عليكم
هلا فيكم انا موظفه اطلع مع الصباح المشرق يعنى طال عمركم الساعه 6 ثم اقوم فى توزيع الابناء على المدارس (صايره ابوهم ) ايه الشكوى لله الاجر من عند الله ثم اصل المدرسه على الساعه 7 الا عشر مره فوق الخط وعشر تحت الخط (حسبي الله عليهم )مافيه تقدير لنا وان الام صايره اثنين فى واحد (كنه شامبو مع بلسم ) اي وحاله وخصم ومحضر والله المستعان ثم اسفه طولت عليكم ارجع على الساعه واحده الظهر ثم ارجع اشيل اللى نزلت الصبح مدرسه الولد ثم البنات ثم اخر شى الولد الصغير ياقلبي هو فى الحضانه ثم ارجع البيت احط الغداء لهم طبعا الشغاله تكون مسويه لهم انا حاطه لها جدول كل يوم تسوى لهم شى انا ادخل ارتاح بعد العناء والتعب ساعتين تقريبا ثم اقوم واشوف الغداء حقنا لانه غدانا بعد العصر انا وزوجى ومعى العيال الله يخليهم يارب
ثم نجى الى الحرب والضرب (مذاكره العيال )الله يصلحهم الى اذان المغرب وممكن نمدد الفتره الى بعد المغرب ثم نصلى المغرب واضع القهوه والحلا وبعدها نشوف الطلبات حقات المدرسه والبيت ثم نصلى العشاء وكل واحد نشوف وش يطلب عشاء خفيف سجق سندويش جبن كودو بيتزاء اى شى ثم النوم على الساعه 8 ونص خلاص ينتهى الدوم لهم
اجلس انا وابني الصغير وزوجى ثم يجى وقت النوم للصغير وانا اقوم فى اجراء بعض المكلمات الهاتفيه حق الاهل الاخوات الجيران وهكذا اجلس على النت ابحث اقوم فى بعض الاعمال الى الساعه 11 واحيانا الى 12 بعدها خلاص اذهب الى النوم
مافيه زيارات ولا شى الا فى الخميس والجمعه
ولا طلعه ايام الاسبوع مافيه وقت
يجى لنا ضيوف بعض الاحيان فى الخميس والجمعه ويمكن الى السبت نحوس ثم يرجع النظام زي اول
وبس هذه الحياه ايام المدرسه
فى الاجازه عاد سهر وطلعات وسفر وحوسه
الشغاله الله المستعان من كثر المشاكل وكثر مانجيب ثم تشرد والا تبي السفر والا حاله حاله
يعنى مافيه احد مرتاح منهم الله يعين يارب عليهم ويكفينا شرهم ياحي ياقيوم
يوميات معلمه وام واب فى نفس الوقت ونسيت اهم شى وزوجه










0

هلا ام جوان الحلوة
الله يعينك

بيس تصدقين عجبني نظام يومك ماشاء الله ماعدا اللي تحت الخط هههه

احسه مرتب وشامل
الله يقويك

سلااااااااااااام يا بنات



اليوم عندي عشاء رجال

دورية تجيني كل ثلاث أو اربع شهور

عدد المدعوين يتراوح بين 15 و20 رجال وقابلة للزيادة



علشان كذا لاهية عنكم وعن الملف



ام حمد

ما تشوفين شر

قدامك العافية


ام الشيخ والاميرة


الشغالات حظوظ

جربت السيلانيات جتني وحدة ما لها مثيل

وعقبها جبت ثنتين ما يكملون شهرين


ثم صرت أجيب اندنوسيات

ما ارتاح لهم ابد وما أحبهم لكن مضطرة الشكوى لله بناتي توهم صغار



ام أجوان الحلوة


حياك الله معنا اختي

عارفة جدولك مشابه لجدولي بنسبة 99 %


انت من وين وايش تخصصك ؟؟؟؟؟





دعواتكم تتكلل عزيمتي الليلة على خير

بس أخلص منها أعطيكم علومها




سلااااااااااااااااام

اشكر الجميع
الله يسلمك ام احمد ومعاذ ويعطيك العافيه عاد اللى تحت الخط مايعجب احد الشكوى لله ههههههه
هلا حبيبتي حلا شقراوي انا من الرياض وتخصص رياض اطفال بس صار لى 14 سنه اعطى رياضيات
وشكله صار هو التخصص غصب علينا تعرفين اذا الوحد مسك جدول لزق فيه طول العمر
ويعطيك العافيه يارب ويعينك على العشاء وعاد ارسلى لنا الباقي انا والبنات ننتظر ههههههه