الاخت ميرة الاميرA
وباقي الاخوات بأقولكم طريقة للكبسة تتختصر الوقت
اذا صار يوم الجمعه او الخميس
1- قطعي بصل كثير وطماط برضه كثير قطعيه صغير
احمسي البصل ليت يذبل ويصفر نوعا ما واضيفي له الطماط وحطي له ملح وبهارات وماجي واتركيه لين يذوب مع التقليب
وبعدين شيليه من النار وخليه يبرد بعدين جيبي اكياس وافضل شي اللي تتسكر من نفسها زي هذي



وخوذي بالملعقة حسب غداء كل يوم وحطيه بأكياس الكبس او اي كيس وصفيه فوق بعض بالفريزر
2- الدجاج اول ماتشترينه قطعيه انصاف او ارباع حسب ماتاكلون يوميا وغلفيها كل جزء لحاله
وحطيها بالفريزر مقطعه وجاهزة
3- قطعي بصل طوال حق اسبوع بس واحمسيه بزيت ( كثري الزيت) ولمايذبل ويصفر حطي عليه زبيب وشوي بسيط كركم وخليه ثواني و شيله من النار لازم يصير الزيت اكثر شوي من البصل كأنه يسبح فيه :) ولمايبرد حطيه بقدر صغير وبالثلاجه
4-قبل تنامين جهزي صينيه عليها الملاعق والكاسات والصحون واي شي راح تحطينه على الغداء من مواعين وغطيه بالسفره اللي راح تقدمين فيها وخليه بمكان معين بالمطبخ
جاء وقت الطبخ اليومي وهنا عندي لك طريقتين
الطريقة الاولى اذا صار الصبح قبل تطلعين للدوام طلعي من الفريزر كيس من الكشنه(البصل والطماط) ونص الدجاجه
بالنسبة للدجاجه بعد ماتطلعينه من الفريزر حطيه بالثلاجه وقت الصيف اما بالشتاء خليه برا وحطي الكاتم (قدر الضغط) على الفرن او قريب منه (مو تشعلين النار :) بس خليه جاهز قدامك)
اذا جيتي حطي مويه بالغلاية وروحي للفرن حطي بالكاتم شوي مررررة زيت وحطي الكشنه حركيه شوي يتجانس حطي الدجاجة حركيه شوي معه تصير المويه جهزت شيلي المويه من الغلاية وحطيه عليه وسكري الكاتم زين
انقعي الرز بمويه دافية وروحي غيري او خذي شاور
ربع ساعة ويكون الدجاج خالص صفيه وحطي الدجاجه بالفرن الفرن اذا كان حار تخلص بسرعه ترا وشوفي اذا كان يحتاج زياده ملح ثم حطي الرز عليه واتركيه لين يستوي (انا اطبخه بالقدر العادي ماقد جربت الكاتم للرز) بهالوقت تكوني تقطعي سلطه ولاتنسين تحطين البصل اللي بالثلاجه اللي مقطع طوال وشيلي معه شوي زيت <<< طبعا هالخطوة اذا قرب يخلص الرز
(بالنسبة للدجاجه اذا مستعجله صفي الدجاجه زين من المويه واقليه بالزيت اذا قرب الرز يخلص وحطيه على ورق نشاف)
والمواعين طبعا جاهزة من الليل قدمي الرز والسلطه وبس..

الطريقه الثانيه هذي اذا عندك وقت الصبح تكونين حاطه الدجاجه من الليل بالثلاجه ومطلعة كيس الكشنه برضه من الليل اذا قمتي الصبح افتحي الكاتم وسوي الطريقه اللي فوق اللي هي(( حطي مويه بالغلاية وروحي للفرن حطي بالكاتم شوي مررررة زيت وحطي الكشنه حركيه شوي يتجانس حطي الدجاجة حركيه شوي معه تصير المويه جهزت شيلي المويه من الغلاية وحطيه عليه وسكري الكاتم )) وروحي البسي وتجهزي يصير خلص سكري النار
ونفس الكلام اذا كان صيف حطيه بالثلاجه هو والقدر الشتاء عادي وتوكلي على الله للدوام
اذا جيتي طلعيه من الثلاجه وانقعي الرز بموية دافيه وطلعي الدجاجه وحطيها بالفرن وصفي المرق وخليه يحتمي شوي وروحي غيري وارجعي ذوقي الملح وحطي الرز وسوي السلطه ولاتنسين خطوة البصل على الرز وبالعافية
هذي راح تختصر لك وقت كثييييييييييييييير بس قومي الصبح قبل وقتك بربع ساعه والظهر راح تكونين مرتاحه
وماراح يزعل زوجك وراح يتفاجأ:32: بكل الطريقتين
وحاولي تغسلين المواعين حقت الطبخ اول بأول بس يبقى مواعين الأكل
:icon28: وه تعبت خخخخخخخ
ادعوا لي واللي تجربها انتظر تعليقاتها على الطريقه هنا
وراح انزل هالطريقه بموضوع لباقي الاخوات
تحياتي لك

يعطيك ربي الف عافيه والله يفرج همك وييسر امرك ويرزقك من حيث لاتحتسبين ,,

اللهم امين ,, يارب العالمين .

السلام عليكم حبيت اشارك معاكم انا معلمة بيدا دوامي الساعه 8 ارجع الساعه 1 الظهر عندي ولد واحد عايشة مع اهل زوجي مرتبه حياتي ومقسمه بين شغل البيت والدوام وزوجي ابني مو بالمدرسة وما عندي شغالة

كنت موظفه وتركت الوظيفه ولا افكر في الرجوع مطلقا الحين حياتي ارتب واحلى واجمل والحمد لله وعيالي نفسياتهم عال العال وانا فضيت لعمري وصارفيه وقت للخشوع والتدبر والتامل وحياه هادئه والحمد لله على مارزقنا وعطنا حمدا كثيرا

أب up