هلا والله حلا شقراوي..

ام جودي وعبودي الله يعوضك خير ياقلبي.. وان شاءالله الأمر فيه خير لك ويعوضك بحمل ثابت...

نرجع لمحور حديثنا ...

انا المشكله لو اضمن وظيفه في القطاع التعليمي وربي ماافوتها لكن معروف الوظيفه فيها صارت شبه مستحيله يكفي انه غير مختلط وهذا اهم شئ ودوامه معقول والراتب يساعدك على تكاليف الحياه.. لكن اللحين تعالي شوفي كيف يتزاحمون على الوظيفه تحصلينه نزلون خمس وظايف ويجونك حوالي الف وحده تقدم عليها .. هذولا بالله من اللي يحصل وظيفه منهم .. لاااااااااا والأدهى من كذا يسعون لنفسهم لوظيفه بمبلغ وقدره آخرتها وظيفه بـ 80 الف ريال يالللللهههههههوي !!!!!!! وربي شؤون الموظفين لو ماعنده ذمه واشتغل في هذي الشغله كان في جيبه كله سنه مليووووون ريال من العروض اللي تجيه هذا اذا كان مو اكثر...


حلا شقراوي..

الوظيفه هي فعلا متعبه لكن انتي عارفه الوضع كيف في البلد كل سنه في تدهور الله المستعان.. الله يعين بس ويعينك على وظيفتك ويكتب لك الأجر يارب..


انا اللي ابيه بس بنات القطاع الصحي يجاوبوني بذات اللي يشتغلون اداريات...

هل وظيفتهم متعبه..؟؟

هل وجدوا صعوبه في تقبل ازواجهم للوظيفه لأن معروف القطاع الصحي وظيفته حساسه شويه من نواحي كثيره ؟؟

اذا عندهم اطفال هل في حضانه في المستشفى تستقبل الأطفال ؟؟



وجزيل الشكر لك اختي حلا شقراوي على هذا الملف المميز لاعدمناك.

والله مشكورة ما قصرتي على هالموضوع
لأني أغلب المواضيع اللي بهالقسم لربات البيت
زين عطيتيني فرصة علشان نفضفض لاحد يسكتني
خلوني على راحتي >>> من مانعك

بالنسبة لي أنا موظفة وعملي إداري بحت

بالنسبة للأطفال
عندي ولله الحمد ثلاثة الله يصلحهم ويهديهم ويخليهم
عندي 3 أطفال أعمارهم كالتالي :
ولد 4 سنوات بالمدرسة كي جي (2)
ولد (3) سنوات بالمدرسة كي جي (1)
بنت (سنة ونص) بالبيت طبعا

بالنسبة للخادمة
نعم خادمتين فلبينيات


طبيعة منزلي
ساكنةمع أهل زوجي لي غرفتين بملاحقهم وستور وحمام

بالنسبة ليومياتي
ما في داعي أقول أصحا الصبح لأني أصلا صاحية من بالليل
خخخخخخخخخخخخخ
عيالي الله يسلمكم من النوع المزعج اللي ما ينام متواصل
يعني ثلاثتهم يشتغلون علي شفتات طول الليل اللي يبغي
حليب واللي يبغي ماي واللي يبغي يروح الحمام واللي
على باله يبكي بدوووون سبب........ المهم يخرب نومتي
الصبح الخدم يصحووني من النوم معتمدة عليهم من هالناحية
علشان أعلمهم الهمة والنشاط وأنا أستغرب من اللي تصحي
خدامتها ما علينا

أخذ يوميا حمام دافئ الصبح هاذي عادة عندي وما تفرق عندي
الدنيا شتا وإلا صيف لأني أحس بعده بالنشاط والنظافة
أصلي وأحصن عيالي باوراد الصباح

بعدين أصحي أولادي بالدور أول واحد أصحيه ويأخذونه
الخدامات يغسلون وجهه وأسنانه ويرجعونه
وأصحي الثاني ونفس الموال
آخر شي أصحي :arb:

أما بنتي الصغيرة فتظل في سريرها ونعطيها رضاعتها
علشان نشغلها
طبعا واحدة من الشغالات تروح اتجهز الفطور في المطبخ
للأولاد والثانية تجلس معاهم تشغل لهم كرتون أو نحط لهم
(الليقو) المكعبات يعني يلعبو فيه علبال ما يجهز الفطور
المهم هم يفطرون وياخذهم السايق والمربية مالتهم للمدرسة

والشغالة الثانية تجهز لي ساندويتش وحليب
ويحطونه بسيارتي لأني أكل السندويتش وأنا أسوق
لا تحاتووووون السيارة مخفي بالكامل

أروح الدوام الساعة سبعة وربع
وأرجع البيت الساعة على الساعة 3 الظهر

طبعا أحاول أستغل وقت الدوام عندي حتى لو عندي ضغط في العمل
افرغ نفسي بأي طريقة علشان أصلى صلاة الضحى ركعتين
وأصلى صلاة الظهر بعد في الدوام

لما ارجع البيت يكونون الأولاد متغدين ومفرشين أسنانهم
ولا بسين البيجامات لازم الظهر
طبعا أتغدى أنا وزوجي ونستلم الأطفال
ونخلي الشغالات يروحون يتغدون ويأخذون قيلولة
من الساعة 3 ونص إلى الساعة خمسة العصر

طبعا زوجي يستلم البنوتة يلاعبها وأنا أستلم
الأولاد أذاكر لهم الدروس ونحل الواجبات المنزلية
وهاذي الواجبات يومية مع انهم في الكي جي
بس لأنه المدرسة أجنبية فنظامهم مكثف

الساعة 5 العصر بالضبط شغالاتي مضبوطين بالدقيقة
ما شاء الله عليهم ايدقون علينا الباب أخليى الأطفال
معاهم يلعبون بحديقة البيت بالسياكل >> الدراجات الهوائية
وأنا أصلى العصر وأسوي لي خلطة أو ماسك لشعري
أو بشرتي

لحد قبل أذان المغرب أدخلهم ع طول لأني أخاف من وقت
المغرب وانتبهو انتوا بعد لانه وقت تفلت الشياطين
وأخليهم يأكلون بسكوت وشاي أو فواكه أو فوشار
وأدخل أصلي المغرب والبس زين وأكشخ وأتعطر
وأكون جاهزة لأي زيارة مفاجئة

بعد المغرب أروح أطبخ اكل لبنتي الصغيرة يكفي
لوجبتين يعني تتعشا فيه اليوم وتتغدا فيه باجر

وبعدين أجلس مع زوجي شوي ومرات يطلع خارج البيت
بعد المغرب ومرات يقعد معانا

وخلال هالوقت أخليى شغالة واحدة مع الأولاد تلاعبهم
وأنا أستلم واحدة فيهم في الكرف والتنظيف لأني لما
أطلع أروح الدوام أقفل غرفتي وما أرضى الشغالة تنظفها
بدون وجودي وطول الوقت هاذا الأولاد قاعدين بالصالة
يلعبون أو يشوفون التلفزيون
وأنا أشيك على شغل الخدامات اللي سووه بالصبح لما
أكون مش موجودة

وتبدأ الشغالة تحت إشرافي تكنس الغرفة
وترتبها وتمسح الأثاث وتجيب الجمر
وأدخن الغرفة وأعطرها وأعطر الفراش

وإذا في بقع على الموكيت تنظف

وبعدين أقعد في الصالة مع أم زوجي نتكلم ونسولف
ونشرب الشاي وناكل متاي مال البحرين
والأطفال قدامي ألعب معاهم ونغني لهم ونفكك الهواشات

وبعدين يكون جا وقت العشا أخلى الأولاد
يستحمون ويتعشون وينامون
والشغالات كل واحدة تخلص شغلها
اللي تفرغ الزبالة واللي تكوي ملابسي
للدوام وتكوي يونيفورم الأولاد
............ الخ

وعلى الساعة عشرة ونصف ومرات 11
الشغالات يروحو يتعشو وينامون
وأتفرغ لبنتي ألاعبها وبعدين أنيمها
وأصلي العشا وأقرأ سورة الدخان والملك والواقعة
وأنصحكم خواتي تقرون هاذي السور قصيرة
ما تاخذ من وقتك غير ربع ساعة
سورة الملك يسمونها المنجية لأنها تنجي صاحبها من النار
وسورة الواقعة تفتح أبواب الرزق سبحان الله
وسورة الدخان من قرأها صلى عليه سبعون ألف ملك حتى يصبح

بعدين أروح أنظف بشرتي بالميلك وسكراب وأغسل بشرتي بالصابون
وأحط كريم الليل وديودورانت وبودر للجسم ريحته فظيعة
وألبس لبس النوم وروج خفيف وعطر ناعم

وأبدأ اشتغل كم شغلة يعني ملابس زوجي اللي على الشماعة
خلاص لبسها مرة وما راح يلبسها وثيابي اللي غيرتهم اوديهم
الحمام بسلة الثياب المتسخة وثيابي اللي لبستهم الصبح للدوام
إذا نظاف والحمدلله أنا من النوع اللي ما أتعرف فأرجعهم الدولاب
وأجهز اللانش بوكس للأولاد لليوم الثاني
وثيابي وثياب زوجي اللي مغسولة ومكوية أبدأ أرجعها
الدواليب لأن ممنوع الشغالات يفتحون أي دواليب خاصة
فيني عموما أنا من النوع اللي مريحه راسي و أقفل باب غرفتي


وأنتظر زوجي العزيز اللي غالبا من النوع اللي ما يتأخر
عن الساعة عشرة ونصف
ونتعشى ونقعد شوي على النت او نشوف التلفزيون أو نسولف
وبعدين أنام لأني أعرف إني عيالي بعد الساعة 2 بالليل راح
يبدوون الخفاره علي يعني نظام الشفتات

وبالنسبة لوقت الصبح لما يكونون أولادي بالمدرسة
بس البنت الصغيرة في البيت طبعا عندي جدول شغل
للشغالات والحمدلله ماشين عليه تمام
يعني لين الظهر وقبل ما يجون لعيال من المدرسة
يكونو الشغالات خلصو شغلهم مثل غسيل الحمام
وغسل ملابس الأطفال وملابسي وملابس زوجي
وتنظيف غرفة الأطفال ومسح أثاثها والكوي
وغسيل الثلاجة ................

إن شاء الله أكون أفدتكم

وسلامتكم

مكركر

طاسة خبز


ماشاء الله روووعة يومياتك جدا منظمة
لكن يعني تخلين شغالاتك يقيلون طيب وانتي متى تقيلين وانتي تكرفين في الشغل

إنتي الأروع يا قلبي
ويومياتي منظمة لأني من يوم يومي تعلمت إن الوقت ثمين
فدايما كل شغلة أسويها لازم أشوف الوقت حتى بالحمام اكرمتي
حاطة ساعة علشان لما أخذ الدوش ما أطول أكثر من اللازم في الحمام
وبعدين أتأخر على الدوام وحتى شغالاتي علمتهم نفس الشي
لما يغسلو الحمام لما يشتغلو في الغرفة لازم يشوفو الساعة
علشان ما يسرقهم الوقت
بالنسبة للقيلولة بصراحة أنا أقيل فقط إذا ولادي ما عليهم واجبات
يعني أنومهم وأنام معاهم وهذا يكون نادر أو بالويكند

بالنسبة للشغالات لازم أخليهم يقيلون بصراحة
لأنهم يصحون الساعة خمسة ونصف الفجر
وتخيلي الشغل والكراف والأطفال يبيلهم طولة بال
وأنا أريحهم علشان يطولون بالهم على عيالي
لأن عيالي أشقياء
وأنا أعطيهم قيلولة لأني من النوع اللي دقيق في التنظيف والتنظيم
فأريحهم علشان يريحوني
وأول ما أجيب الشغالة أقولها في وقت قيلولة من الساعة كذا للساعة كذا
إذا حسيت إنج تشتغلين بضمير إذا شغلج أي كلام ما راح أعطيج وقت قيلولة
والفلبينيات تراهم جبانات إذا خوفتيهم وإذا عاملتيهم بالزين يعطونج عيونهم