بصراحة عجبني الموضوع وكان ودي انزل زيه من اول

انا موظفة ودوامي من الساعة 8 الى 4

وعندي بنتين وولد الله يحفظهم لي

وساكنة في شقة وصارلي سنتين ادور دور في الشمال<<<<يمكن فيه احد عنده دور للإيجار

عندي شغالة الله يعطيني خيرها ويكفيني شرها عندي استعداد ابوس راسها بس ماتضر وليدي الله يحنن قلبها عليه
قبل كذا ماكانت عندي هالمشكلة لأن بنتي عمرها 10 سنوات وكنا نطلع كلنا ومافي احد يقعد في البيت اسكر عليها الباب وخلاص بس الحين أخلي معها وليدي واخلي لها الباب مفتوح اولا لأن بنتي تجي من المدرسة الساعة 1 ولازم احد يفتح لها الباب
والله حاسة انها تسوي شي من وراي بس ما ادري
المهم ودي اسوي لها جدول تمشي عليه بس صاير عندها عذر اذا قلت لها ليش ما سويتي كذا ولا كذا تقول حمودي ماخلاني كان يبكي
نسيت اقولكم برنامجي انا اطلع للدوام تقريبا الساعة 7.30 وارجع الساعة 4 مرات القى بناتي وزوجي تغدو ونايمين ومرات القاهم صاحيين ونتغدا مع بعض وانام ساعتين وبعدها اقوم اقعد شوي اصرخ يالله شوفو دروسكم وبعدها العشا وينامو

صار لي فترة أمر بتأنيب ضمير مو طبيعي لأني احس اني ماعندي وقت اقعد مع اطفالي
وبعدها اقعد كم ساعة نت وتلفزيون وتلفون وبعدها انام
طبعا اغلب الطلعات الويك اند وإذا صار فيه طلعة بأيام الأسبوع راح اليوم من غير ما اشوف عيالي

طبعا احس اني مقصرة بس ما ادري اشلون ارتب وقتي قبل كم يوم دخلت المجلس بالصدفة وقفت عند الشباك عشان مافي ارسال الجوال وأشوف ذاك المنظر في الركن مليان شعر وغبار واااضح ان الغرفة على الأقل من 3 أسابيع ما حطت يدها فيها يعني مهتمة بس باللي قدامي واللي وراي عايم بالوساخة ضاق صدري بس ما ادري ايش أسوي

مدرسه تقول اخواتي زوجي لما اجيب هديه يقولون في وجهي هذ هديه مدرسه

السلام عليكم جميعا
أتمنى الجميع بخير صدقوني ياخواتي التعب يازينه أذا فيه راحه نفسيه
عندك أنا مديره في هم نفسي كبييير مهما حاولت
لازم ودايم نواجه مشاكل الطالبات والمعلمات واذا ارتحنا طلعولنا الأهالي حتى المستخدمين أعيش همهم
وإذا مافيه مشاكل شلت هم المسئوليه
هذا غير اللي ينتظرك لارجعت للبيت
اللهم لاتحرمنا الأجر دعواتكم

انا معلمة عندي خمس اطفال في الشتاوي اصحئ الساعة ست ونصف وكل يوم متاخرة عندي شغالة ميتة وثلاث اطفال يدرسون انا البسهم وحدي اروح المدرسة شرح ومناوبة ومرض مع البنات المستهترات\ارجع الساعة اثنين واطبخ الغداء وانام اسال الشغالة عن فلذة كبدي بيبي كويس \ابوة كويس \اصك الباب وانام\اصحئ المغرب اهرب من تدريساطفالي بالاتصال علئ اهلي \اسوي عشاء وارجع انام صدقوني تقريبا هذا برنامج كل موظفة نحن سيئات حظ \

بسم الله الرحمن الرحيم كنت ابي اسدح يومياتي من البداية معكم بس ماقدرت لان لانت خربان
المهم انا موظفة عندي ثلاث اطفال الكبير ولد في اولى ابتدائي البنت عمرها اربع سنين ونص الصغيرة سنة وتسع شهور
شغالتي سافرت من ثاث اسابيع والاسباب عديدة قررت اني ماقدم شغالة لحد ماحمل مرة ثانية يعني اقل شي سنتين
يومياتي انواع المعاناة اللي تبدا من وقت الاستيقاظ ولا تنتهي حتى عند النوم طبعا بيتي كبير مع حوش كبير بدون زرع ولا بلاط ترااااب مع اسياب صغيرة كممرات قال ايش قال زوجي بيسوي حديقة كملنا سنتين في البيت ولا شفت غير التراب
اصحى قبل الفجر اربع ونص احضر شغل المدرسة لو عندي اختبار او تحصير او باطبع اوراق وغيره الى الساعة خمس ونص اصلي واصحي ولدي الحمد لله يلبس بنفسه واسوي شاي وفطور خفيف اغير لبناتي ملابسهم يجي ابوهم من الصلاة ياخذهم عند جدتهم والبس بسرعة لا شياكة ولا غيره اروح للمدرسة ست ونص باقي على الطابور ربع ساعة امشط شعري احط مكياج خفيف ويبدا شغل المدرسة والكرف اروح البيت اوصل اقل شي الساعة 2 ونص احيانا ثلاث يمر زوجي ياخذ البنات وولدي ادخل البيت ااااااااااه نفسي احط
راسي والله ما اقدر البنت شبعانين نوم ويبغو يلعبو ويتفرجوا واكثر من كذا يبغوني جالسة معاهم ياويلي لو غمضت عيوني اغير ملابسي بس ويبدا كرف البيت ابدا بالحمام انظفه ثم غرفة الاطفال على خفيف ثم ادخل المطبخ احضر الغدا واكل اطفالي وانظفه في نفس الوقت اجلس فيه الى ماقرب ياذن المغرب تقريبا اطلع امسح بلاط الصالة والمكتب ابخر البيت اسوي شاي لزوجي اصلي المغرب وماحس بنفسي انام دقايق على السجادة اصحى مفزوعةكاني كنت في كابوس اجري على صراخ بناتي اغيرلهم ملابسهم وطبعا تكون غرفتهم انوااااااع الدمار اجلس فيها نص ساعة ارتبها وانظفها يجي زوجي بالعشى يتعشون وانااااااااااام ياليته نوم بناتي ماينامون بسرعه ماقدرت ارتب نومهم ابد يجلسون لين الساعة 2 ونص بالليل طبعا نومي كله مقطع اروح المدرسة قمة الارهاق
هذي يومياتي ومازلت ادرس وضع ترتيب يومي لاني بحس نفسي بهلك بهذي الطريقة الحمد لله