الموظفات وما ادراك ما الموظفات ادخلي حبيبتي بسرررعة

السلام عليكم ورحمة الله تعالى وبركاته

حيا الله موظفاتنا الحلوين الي نسو نفسهم وجمالهم :35: ترى كدا مايصير

لازم تهتمين بنفسك وجمالك ولاتقولين ماعندي وقت هذا اكبر غلط

نبداء اول شي في الصباح اول ماتصحين
قهوة شاي التخبيص دا ممنووووع ومضر لجمال عيونك وبشرتك وانفاسك ايش البديل ؟؟؟؟

الحمام البارد عند الأستيقاظ يشد ويساعد الدورة الدموية تمشي بالجسم ويبعث على النشاط ويرفع من معنوياتك
طبعا بعد ماتطلعي ماعندك وقت شي لا خلطات ولاااشي لذلك نترك الشغل الثقيل بالمساء حطي وشوية من عطرك الصباحي

اشربي :
عصير برتقال مع ماءورد مع شوي زعفران وخذيلك ملعقة عسل على الريق

فائدته : نشاط حيوية ونضارة طبيعية دائمة وجماااال يفوق توقعاتك بالنسبة لبشرتك وريحتك بتصير كأنك وردة فل تمشي على الأرض

حبايبي في شي نسيناه وعشان كدا الامراض والتعب والارهاق صار يهاجمنا من كل ناحية
نسينا انه الله تعالى قال (وجعلناالليل لباسا وجعلنا النهار معشا )

صايرين نوووم طول النهار وسهر طووول الليل ونوووم العصرية اكبر عدوووو ترى
يطلع الكرش ويخلي فيك الخمول والكسل طول اليوم غير الضيق الي يمسك فيك وغير الارق

والعيون الحلوة الي ربي عطاك هيا تصير ذايلة وغايرة ونحن مانبي هذا الشي يصير

مقولة اعجبتني (الرجل لاينسى العينان الجميلة) يعني مو لزوجك عليك حق حتى الي ماتزوجو وبعد بيتزوجو بيوم

لجمال عينيك :
حطي شرايح بطاطس عليها وكثري من شرب الماء ونااااامي بالليل
في قناع لتفتيح منطقة حول العينين من بيزلين في صيدلية النهدي بـ 8 ريال حلو تقدري تخليه نص ساعو وتقدري تحطيه قبل النوم ولما تصحي الصباح غسليه

لجمال رموشك:
انا قريت عن وصفة حلوة هنا وطبقتها واستفدت عليها حيييل
فازلين مع زيت دابر حق الشعر حلو يطول الرموش ويسودها

اذا عندك مناسبة وتبين عينك تبرق كأنها مرايا جيبي فنجان القهوة وحطي فيه ماء ورد بااارد مقطر فيه خمس قطرات من عصير البرتقال صح شي غريب بس مفيد وعن تجربة

القناع اليومي :
كل يوم من ايام حياتك لازم تستخدمي قناع النشا مع ماء الورد ولا تكثروخلطات واقنعة تراها تضر ماتفيد ماسك واحد كفايا

لنضارة وجهك وعنقك ونظافتهم وصفائهم من الحبوب والبقع وعلامات الاجهاد والتعب :

جيبي علبة سكينول بالليمون الاخضر ووخليها نص سكينول ونص ماء ورد وحطي معها نشا بمقدار فنجان شاي وكل يوم مرتين في المسا امسحي وجهك فيهم بعدها بنص ساعة حطي كريم مرطب انا قريت عن هذي الوصفة في اكثر من منتدى وطبقتها والحمد لله مرتاحة عليها

لجمال جسمك :

طبعا الجليسوليد اهم شي تحطي معاه ليمون وماء ورد وتدهني منه جسمك في الليل قبل النوم ولما تصحي تستحمي مثل ماقلنا بالماء البارد

داومي على هذي الوصفة وادعي لصاحبتها طبعا مفيدة حتى للمنطقة الحساسة

صابونة غار +ماء ورد +بمقدار فنجان قهوة (زيت زيتون +زيت لوز حلو +زيت خروع +جلسرين سائل )
فكس العلبة الصغيرة +علبتين كريم جليسوليد +كركم الجسم من عند العطار )

تبشري الصابونة ناااعمة وبيتيها مع ماء الورد لما تذوب تماما حطي باقي الاشياء وخليها شويا على النار واخلطيها لين تتجانس كل المقادير وطيها بعلبة زجاجية واحكمي اغلاقها وكل يوم قبل النوم استحمي فيها وافركي جسمك بالملح والليمون وحطي الجليسوليد وناااامي وتقدري تحطيها وتدخلي بالساونا لو عندك في البيت


اهتمو بالمنطقة الحساسة باستعمال غسول يومي قبل النوم انا افضل من نكتار غسول الفراولة مع الافندر مطهر ومنعم وريحته تجنن او سيباميد من الصيدلية او بيتادين للي عندهم التهابات


ولازم تكملين هذا الجمال بالمحافظة على وزنك ورشاقتك اتبعي رجيم الكربوهيدرات مثلا انا نفعني جدا وبالنسبة للرياضة المشي ثم المشي للجسم كلوووو ولشد الجسم من الترهلات كريم نيفييا قود باي سيلولايت رائع

بس انتو يابنات استمرو على الأقل شهر وشوفو النتايج ولا تتسرعو لن الجمال ثمنه غاااالي ترى

والله يوفق الجميع هذي خلاصة تجربتي ولو في اي استفسار انا حاضرة للحلوين