الموظفات ومشاكل العمل .. الموظفات يجون ضروري ..

السلام عليكم
ياموظفات لمين يجيك تهزيئ ومسخره من المدير او الموظفات
خصوصاً كبدايه جديده لك وتسوين اغلاط واجد بالشغل
او مشاكل عامه بين الموظفات
هل تقولين لأهلك وخواتك وتسولفين عليهم
ولاتسكتين وماتفضحين نفسك
يعني انا اهلي مايدرون اني اواجه مشاكل وتهزيئ من المدير وتريقة من موظفة وحده بالذات على شغلي وان استيعابي بطئ والكلام المستفز طبعاً مع نفسها مو مكترثه لكلامها
لكن ودي اعرف هل تسولفون لخواتكم عن تعليقات الموظفين او المدير عن ادائكم
انا اهلي قدامهم الذكيه الفاهمه اللي مرتاحه بشغلها وسالكة امورها بس مايدرون المشاكل اللي تصير
مدري انتو زي وضعي ولا انا غريبه
مااحب اطلع نقاط ضعفي او الامكانيات اللي ضعيفه فيها قدام اهلي او صديقاتي
انا متقبله اني اعتبر لسى جديده بالشغل ولسى أواجه
اغلاط واشياء جديده بس حسبي الله على موظفه بسببها صار المدير والموظفات الباقيات يددقون في اغلاطي وشغلي
وخصوصاً مهامي غير عنهم اساساً بس يشوفون الصوره العامه ومايدرون ليش كذا اواجه اغلاط
والمدير مع هالموظفه حسبي الله فيها
واليوم المدير حلف هذا اخر انذار لي .. بسبب اشياء تقولها الموظفه هذي وتدخلها براسه
لكن وكلت أمري لله فيها .. لان مهما تكلمت لا هي و لا هو يستوعبون مهامي وليش اسوي كذاا لان هو بس يتأمر مايشوف وش اواجه من عرقلات ومرمطه في المعاملات
المهم دايم استغرب اقول معقوله قريباتي بوظيفتهم مايواجهون اي مشاكل وتهزيئ مثلي لان ماقد سمعت يتكلمون
بعدين قلت ممكن مثلي مايفضحون انفسهم ويسكتون
مثلا يعني لو فصلني فعلاً المدير مابقول فصلني بقول مادري عنهم فجأه طلعوني وبحط اي عذر ومارح افضح نفسي
وانتو ياموظفات مثلي ولا انا غريبه ؟؟