-راتب زوجها قوي - ضعيف؟

راتبه ممتاز ماشاء الله

الزوج شنو يدفع - وهي شنو تدفع
البيت ملك هو اللي مشتريه
و يدفع الفواتير والمقاضي الرئيسية

هل بالسوق هو يدفع لمشترواتها؟

ما يروح معي خير شر لكن ماعمره عطاني
من ناحية طلبات العيال يدفع الاساسيات :كسوة العيد ومقاضي المدارس
اما لزوم التكشخ والمطاعم لا

هل تولد على حسابه بالخاص؟

طبعا - الولد لي ولا له


هل اذا سافرت تدفع النص بالنص؟ او هو يدفع كل شي؟

النص بالنص واذا انا نفسي بالسفرة وهو ما معاه انا ادفع كل شي



من ناحية الخدامه انا اللي ادفع ولا عمره دفع ولا ريال

بس ترا انتي وضعك كويس يعني لا تخلين احد يحرشك على زوجك


وسلامتك

الله يهديك وانت تصدقين كل شي أكثر المشاكل بين الازواج بسبب الراتب واعتقد لو زوجك مو متزوج واحده ثانيه عادي انت وهو شي واحد وما شاء الله ماعليك غير من نفسك ولاتصدقين كل الكلام وانت بعد لا تحكين عن حياتك ومصاريفكم والله يسخر زوجك لك يارب

وعليكم السلام ورحمة الله وبركاته

اول شئ شوفي يا اختي اذا بتعطين اذنك للحريم بتتعبين وترى بعضهم كلام بس وتلقين زوجها معطيها على رأسها بس تحب تسوي حركات

نجي للاجاية

زوجي راتبه متوسط بس اقل من راتبي تقريباً نصف راتبي

هو يدفع مصروفات البيت من ايجار وفواتير واكل
وراتب الشغالة يدفع نصفه شغالة بالساعة يعني راتبها مو شئ :)

انا ادفع فاتورة جوالي ومصروفاتي كلها من لبس واكل خارج البيت في الدوام يعني ونصف راتب الشغالة الباقي
بس مايمنع ان احيان ابي اغير شئ في البيت اشتريه انا بحكم ان راتبه اقل من راتبي

في السوق انا ادفع بس احيان هو يزيد لو فلوسي نقصت

ولاادة للحين ماحملت دعواتك لي بالذرية الصالحة ومو مهم من يدفع :(

السفرة الاولى كنت وقتها ماتوظفت ودفع هو بس الوالد الله يخليه لي كان يعطيني مصروف شهري جمعته وزدته على فلوس زوجي
السفرة الثانية كنت موظفة ودفعت معه النص او الثلاث ارباع حتى
لان راتبه يعتبر متوسط زي ماقلت لك واعرف البير وغطاه واعرف انه مامعه ولا مابعطيه ولا رياااال :42:
والسفرات الداخلية هو يدفع مصروفها كامل انا احيان ادفع حق عشاء حلاا بس الاساس كله عليه

ومايمنع إني احيان اذا خرجنا خاصة اذا قرب اخر الشهر اقوله انا عازمتك على حسابي ترى الحياة تعاون وهو مو مقصر علي يكفي انه يوصلني كل يوم للدوام ويجيبني ويقدر ظروف عملي واحيان يرحمني ويقولي لا تسوين غداء يعني على الاقل اساعده في المصروف ولا اقعد في البيت احسن اذا بجمع الفلوس بدون مااصرفها ترى الكفن ماله جيوب

وبنفس الوقت اذا حسيت ان عينه على راتبي اذكره ان انت الملزم تصرف طبعا بمزح يعني قبل يومين طلب بيتزا وقالي حاسبي انتي اعطيته كلمتين وانا اضحك بس فهمها احيان ارسله المكتبة ومايقصر يدفع من جيبه انتظر اذا نام واحط له بمحفظته كل اللي دفعه واحيان اسأله كم الحساب واعطيه يقولي ماتخلي يا بيه خخخخخخخ ويأخذها :o

ثرثرت كثير بس يا اختي مشي امورك تمشي ودام انه اخلاقه طيبة والمسألة حرص للمستقبل مو بخل عليك فلا تفكري بالموضوع ولا تقارني حياتك بغيرك ظروف الناس تختلف

الله يعطينا خير الوظيفة ويكفينا شرها

شوفي

أترك بيته من صباح الله ...واقصر في حقة في اشياء ويعذرني .....وراتبي زين حتى لو كان اقل منه
وارجع اقول عطني
لآ لآ لآ لآ لآ لآ لآ
وش الفائدة من وظيفتي عشان اجمع بس إلا بصرف وبساعدة في اشياء مهمة زي الشغالة تكون مثلاً بيني وبينه
يعطيني من نفسه مبلغ للعيد ......مع ان ماله داعي
يكفي ان البيت وملابس العيال والفواتير عليه ما عدا فاتورة جوالي ,,,ليه يدفعها
ولو بسافر اكيد بدفع نصف السفرة إذا كان راتبي كويس ....

ياعمري الرجال وش بيبد عليه لو راتبه 15 الف
على العمار او المصاريف اليومية وعلى أيش وإلا ايش هالايام

وما عليك من كلام الحريم وحاولي ما تتكلمينن خصوصياتك عندهم ............

بس لآزم توفرين لك مبلغ لزمن إذا احتجتي


والله يعين

أتمنى آخذ واحد عنده عزة نفس وما يحط عينه على

راتبي لو وش يصير له بـ استثناء الزنقات و مو معنى

كلامي أن أزواجكم ما عندهم عزة نفس أنا اقصد الي

يطين عيشة زوجته ويآخذ راتبها غصب عسى ربي ما يوريكم

هالشيء كثير تصير بينهم خلافات ع الراتب و أولهم

قريبتي معلمة كان زوجها يقول أبي نص راتبك ورفضت

وطلقها والحين تقول لو يبي راتبي كله فداه بس أهم

شيء يرجعني المهم قلت لها واحد مثل هذا ما عليه

حــســوفة صحيح أنه مو حلوة الحرمة يكون عندها

راتب وترفض تعطي أبو عيالها وهو محتاج وكذا بس

مو توصل السالفة لــ طمع ممكن تساعده بالي تقدر

عليه بـــــس و ع العموم الرجال ملزوم يصرف على

زوجته سواء كانت تعمل أولا أما هي لا مو ملزومة فيه

باستثناء الزنقات والديون وطبعا بـرضاها مو غصب