الموظفات يدخلون انرفضت وظيفتين بسبب

بنات انقبلت قبل كذا بوظيفتين عقدوني
كرهوني حياتي
كرهت اقدم والسبب واحد سبحان الله الخالق وحده
بكل المكانين اللي اشتغلت فيهم بفترة التجربه
كلهم رفضوني وقالوها بوجهي ماعليش اسفين
مانجحتي بالتجربه حاولت افهم وش فيه؟
ليش مانجحت وانا ماغيب ولا اتاخر واحاول
اضغط على نفسي باشياء كثيره
كلامهم واحد "خلك حية"
"خلك حركه"
انتي نايمه
انتي مصنمه!!!!!!!
بنات كرهت شخصيتي زياده
انا طبعي هاديه وبحالي
واشتغلت بمكانين مختلط كلهم
عادي جدا يسولفون ويضحكون يعني يمونون على بعض
انا ماحبيت كنت منعزله بكرسيي واحاول احوس باي شي
مابي اي احتكاك والله ثم والله اني اسمع واحد
يقول لزميلتي بالاستقبال
هذي شفيها ماتهرج معنا؟
صنم؟
للحين ماتمون علينا
يعني انا طبعي ماحب علاقات العمل
حتى مع البنات افضل اني من بعيد لبعيد
يجي اللي رفضوني المدراء يقولون انتي موب جريئه
مع الزباين انتي يدخلون ويطلعون ولا لك صوت
انتي وضعك ماش ماتتكلمين مع الزباين اتكلم
شقول!!
ولا يقول فيه ناس يدخلون ماتدرين
يبونن الحق الناس واقول وقفو وين توكلنا
وتعالو قيسو الحراره
اللي اعرفه هذي لها موظفه خاصه
انا لا
يبوني اهاوش الناس وامسكهم عشان يمشون بالتعليمات
ويبون ارد ع للتلفون ويبون اسوي فواتير ويبون اخذم المرضى يعني مادري شايفيني اله
بس كلهم قالو لي سبب واحد
وهو سبب للاسف رفضي
اللي هو اني مالي لسان
هاديه بارده موب حيه ماتتكلمين مع الناس
والزباين شخصيتك لازم تصير قويه هذا اللي فهمته
انا يابنات مو طبعي لي لسان بكذا يعني بحالي
واسوي شغلي على اكمل وجه
لكن هم مو عاجبهم مادري وش اسوي بالله بنات
وش اسوي عطوني حل بالله لو بمكاني وشلون يقولون
لي مالك لسان خلك قويه شخصيتك تكلمي ع الزباين عجزت انا طبعي منعزله
عن بنات الدوام لدرجه ماعجبتهم انها وش فيها هذي
يعني كنت بحالي في حالي تكفون بنات
الموظفات يعطوني اهم شي يالوظيفه ايش عشان اقدر استمر😭😭