الموظفه اللي ماعندها خادمه وتحط طفلها عند ام او اي احد !! تتفضل !! تفيدني

السلام عليكم ...

ان شاءالله الكل اوكي والصحه تمام


الاكيد دام قلت الموظفه فأنا منهم ... لكن احب اسأل اي وحده مثل حالتي ...

ماعندها خدامه ... وعندها طفل ان شاءالله ( قرب يجي بإذن واحد أحد ادعولي يهون ربي علي )... وتبي تحطه عند امها .... لاني اذا كتبلي ربي بالسلامه بطلع من هنا واداوم من هنا

وامي عندها خدامه ... وموافقه احطه عندها ... بالبدايه انا اعترضت وهذا اقتراح ابو الشباب بأنو الخدامه لاحقين عليها اذا جبنا اكثر من واحد بإذن الله ...

كنت ابي اقدم خدامه واقول اريح ... لكن بنفس الوقت اخاف واقول يمكن اقتراحه خيره لي لان الطفل صغير ولا يشتكي ولايتكلم مدري شتسوي فيه او تحسر فيه ...

زوجي يقول انا بتعاون معك وماراح اطالبك بواجباتك( يعني واجبات منزليه اذا شفتك تتعبين بين الولد والوظيفه ...

لكن حاليا مانبي خدامه الين يرزقنا بأكثر من واحد زي ماقلت ...

من كذا حالتها وماشيه امورها تمام من ناحية البيت والولد وواجباتها ؟؟؟

انا وافقت بشرط اني اذا تعبت او ماقدرت اوفق نقدم علطول وهو وافق

انا ساكته مااحب اقول لأحد هالكلام لان الناس ذبحوني وانا ماتكلمت ,,, مثال ولاحظو مااقول شي

1- الله يعينك ولد ووظيفه ماتنفع الحرمه الا بالبيت

2- ماتصلحين بدون شغاله الصراحه لو منك جبت قبل لايجيني عيال

3- روحي شوفي بلاوي الخدامات بكرى بتروحين وتخلينه معها

4- اووه انتبهي لزوجك منها تراهن ساحرات ماكرات وهو يرجع قبلك من دوامه الله يعينك

5- ترا الرجال ماينومن

6- ترا رجلك مب نافعك ماراح ياكلها الا انتي انتي بتكرفين وهو مادرى عنك بدون خدامه

7- يقولك بس كذا واذا جا وقت الجد قام عليك قومه انتي ماتسوين ولاتفعلين

8- خوذي اجازه وريحي مخك وش تبين تداومين خليك عند ولدك وارتاحي

ياربييييييييييييه انا داخ راسي منهم ذبحوني وانا ماتكلمت ... انا مبي اخذ اجازه لاني ظروفنا الماديه .. شوي متلكلكه وصعبه نعيش على راتب واحد اللي هو راتبه ... وعلي قرض ..لكن مااحب اقول هالكلام لهم ولا ابي يعرفون اسراري الصراحه ...

ياناس من كذا موظفه وعندها طفل وتحطه عند امها او اي احد ثاني والحمدالله امورها عال العال ... ذبحني التفكير ... ؟؟؟

والشكر لكل من ردت او مرت بصمت:27: