الموظفه تتفضل

ااااخ يابنات قسم بالله كاره نفسي
انا جديده ع الوظيفه مالي الا اسبوعين بس
لكن احس اني مو فاهممممممممممه شي
وكل الموجودين مع مو متعاونين مع ان الاداره
قالو للبنات اللي معي دربوها لكن يسلكون
يقولون ايه وبالموت لما اجلس اسال بالموت
وحده تتحرك تعلمني شي بسيط اقسم بالله
اليوم بالذات فكرت اترك الوظيفه انضغطت
بشكل كبير وشي جديد علي وكل واحد فوق راسي
اللي يبي يعرف كم باقي له جلسه واللي يبي يعرف كم السعر
واللي يبب فاتوره واللي يبي تقرير واللي يتصل يسال
وش الخدمات واللي تدق تسال اسئله غبيه
عن الدكاتره والاخصائين الموجودين واللي تدق تسال
عن اسعار البكج وكم جلسه وش تقدمون وش تسون
للمرضى
وانا ضايييييييعه ونفس حقين دوامي الاداره
يبوني انجز ويبوني اعرف كل شي بيومين!!
يعني اليوم انضغطت بشكل كبير كبير
ولا احد ساعدني لما فقدت الامل من البنات اللي معي
اتصلت ع المحاسب عندنا بالدوام تبع الفواتير
وجلس يشرح لي وحست الدنيا عليه وحذفت فواتير
وصلحت فواتير غلط وجبت العيد لكن متفهم
هو وعارف اني جديده
بس انا متفشلللللله من نفسي
يعني مو معقول بستمر كذا مادري وش السالفه
ولا احد يساعد ولا احد يشرح لي
بتقولون وش المطلوب منك
بقولكم كللللل شي تقريبا
مطلوب ارد ع التفلون واجاوب على كل شي
من اسعار الجلسات البكيج مع مين كل كل شي
مطلوب مني اسوي فواتير واسوي بكيجات واسوي
تقارير واسوي برامج خارجيه
مطلوب مني كل نهاية دوام يناقشوني من حضر
من ماحضر
الفواتير اكثر شي جالسه اعاني معهم نظامهم غبي
فيه ناس زي الهج يدخلون لان مافي فواتير
قبل الدخول ع الدكتور فيه نظام بكيجات بعضهم يقولون
لي اي عندنا وتدخل ويكون البكج حقها مخلص ويصير علي
يجي المحاسب يقول ليش ماخذتي منها؟
اقولها قالت فيه بكيج لي قال مخلص
هذا غير اللي تجي بالاستقبال وتكون شوي همجيه
وهم محذريني لازم ارد باسلوب حلو عليها
لما اجلس ارد بكلمتين يجون يقولون لي
لازم تكون فيك جراه اكثر بالمواقف هذي طيب انتم
قايلين لاتردين عليها مهما جت تهاوش او مستفزه طنشي
انا ياناس اول مره بحياتي كلها اتوظف
مستوعبين
عالم غير
وغريب وناس فاهمه كل شي من سنين
وبرامج ونت وتواصل واتصالاات ومواضيع كبيره
لكن هم مو معطيني فرصه احد يدربني ولا احد يفهمني
ولا معطيني فرصه حتى استوعب شوي يعني من اول
اسبوع وهم يبوني اكون مثلهم اللي لهم سنين وفاهمين
الشغله!!
قلتها بوجه المدير ترا انا جديده عطوني فرصه
فرصه بس عطوني اتعود واتعلم قالي
لك اسبوعين بعذرك فيها غيرها لا
بنات اللي توظفو بالبدايه عانيتو كذا؟
لدرجه تمسك معي احيانا افكر اسحب !!
واترك الشغله كلها