الموقف الذى كاد يبكينى امام اهلى

السلام عليك يااغلى اخواات
اليوم بحكيكم عن موقف لعلى اجد نصيحه او لفته منكن
انا سلمكم الله
اعطانى الله من فضله وكرمه ثلاثه اولاد ماشاء الله و(الله يحفظهم)
اكبرهم عمره 9سنوات واصغرهم 4وبما انهم اولاد وتربيتهم صعبه شمرت عن ساعدى من البدايه وصار همى تربيتهم حتى( كتب اشتريت لعلى استفيد)
ابنى البالغ 9 سنوات من عمره 5 سنوات احضرت له شيخ يحفظه القران بالبيت وعلى حسابى لانى اخاف عليه ان يروح للمسجد وحلق القران
وكنت العصر اجمع عيالى واقفل بيبان البيت عشان مايطلعون مثلكم عارف الشارع وبلاويه
ولان الرسول صلى الله عليه وسلم حذر من الجلوس على قارعة الطريق
واحاول اعوضهم طبعا بالالعاب والتمشيات وانى اجلس معهم كثير
الى جا يوم قالت لى اختى كذا عيالك بيطلعون ضعيفى الشخصيه وغير اجتماعيين وماعندهم خبره بالحياه
وكنى اقتنعت بكلامها
وغيرت طريقتى
صرت افتح لهم الباب يطلعون على كيفهم
وتعالوا شوفو ا كيف تغيروا صارو يضربون بعض والالفاظ حدث ولا حرج
وقصص كلها كذب وان سالتهم قالوا فلان بالشارع يقول
رجعت ومنعتهم من الخروج لان شفت تعبى بيروح وانهن بيتاثرون بعيال الشارع اكثر
الى ذاك اليوم ببيت اهلى
انضرب ولدى من ولد اختى اكبر منه بس صديقه ويحبه مررررررره
انضرب ضرب ماتحمله ولاقدر يدافع عن نفسه
وجانى يبكى وربى جيت ابكى معه
ماقدر يدافع عن نفسه لانه ماعمره انحط بموقف يدافع عن نفسه كان يحسب كل الناس طيبين
ومافيهم شر انصدم ان صديقه يضربه بهالطريقه
ماعلمتهم ان الدنيا فيها الخير وفيها الشر
انا متاكده ان ولدى مايبكى من الالم قد مايبكى من صدمته بصديقه
انا مانمت ذيك الليله من القهر
حسيت ان تربيتى غلط
وفكررررررررت انى ادخل ولدى نادى يتعلم اى شى يدافع فيه عن نفسه
اسفه طوووووولت عليكم
ارجوكم قولولى شلون ربيتو عيالكم ؟؟؟
هل تربيتى صح والاغلط؟؟؟
واذا غلط وش هو الصح؟؟؟
واللى عندها اى نصيحه لاتبخل فيها
ولكم منى خالص الشكر