الموقف اللي صار اليوم !

صباح الخير 🌸
اممم بقول لك موقف صار اليوم انا طبعاً معي ضعف سمع اذن ماسمع فيها نهاىي واذن اسمع فيها نسبه ٨٠٪‏ والبس عليها سماعه والحمدلله اموري ماشيه تمام ونطقي سلييم الحمدلله انا وصلت ثالث متوسط وانا اسمع بدون سماعه بس بعدها نزل السمع وصار لازم البسها وكنت اتضايق من هالشي لاكن الان الحممممممدلله رااااضيه تمااام الرضى بالشي ذا واشكر ربي واحمده عليه واعتبره شي مثل ضعف النظر مو شي غريب وعيب ع القل اسمع الحمدلله صح احياناً ماسمع زين خصوصاً اذا كان الشخص ع جهه الاذن اللي مافيها سماعه بس عادي اطلب منها تعيد كلامها حتى اسمعه الزبده قلت هالمقدمه حتى تفهمون الموقف اللي صار وحده اول مره اشوفها من صديقات امي وهي ع جهه الاذن اللي ماسمع فيها وكنا بمكان زحمه يعني فيه ازعاج وماسمعها زين ولاحظت الحرمه وسالتني معك ضعف سمع قلت ايه قالت اهاا حسيت والله ياعمري عليك .... الخ انا كلامها مااثر فيني عادي لانو زي ماقلت لكم متصالحه مع نفسي بس حسيت امي انحرجت ! مادري ليه رغم اني اجتماعيه الحمدلله وفيني اشياء كثييييره حلوه تغطي ع ضعف سمعي وانا دايم مااحسس الناس ان هالشي غريب اقوله عاادي بس مادري ليه انحرجت امي ! وانا ع وجهه خطبه لازم تحسس الناس انه شي عادي ماتنحرج منه وتسكت
عطوني رايكم بالموضوع ذا صراحه ضايقني ان امي خجلت من هالشي وانا الان جالسه اعالج اذني بمويا زمزم مقري فيها القران كامل وباذن الله ربي يود لي سمعي دعواتكم 🙏🏻💜