الموقف هذا اكثر من مره يصيرلي في السوق تعالووووووووو كلكم بسرعه

السلام عليكم ورحمة الله وبركاته




كيفكم جميعا ان شاء الله بخير وعافيه
انا مالي بالمقدمات الطويله بدخل بالموضوع على طول



اليوم يا طويلات العمر كنت بالسوق انا وبناتي المهم وانا امشي وادف بنتي بعربيتها الا وسط الزحام عند المصعد الكهربائي صافين بالدور عشان ندخل ونطلع للدور الي فوق و دعست على عباية وحده وانا ما ادري لانها قدامي وعبايتها تسحب وراها في الارض وهي تمشي

المهم جات تمشي الا وطرف عبايتها تحت كفر العربيه وتقوم تصارخ وتهاوش وتشتم وانتي عميه ماشتوفين افتحي عينك يالفاغره ووووووالخ من هالكلام السخيف انا بصراحه انصدمت مافهمت وش السالفه قلتلها خير وش فيه ؟؟

قالت دعستي على طرف عبايتي وترجع تشتم وتقل ادبها قلت لها ما انتبهت معليش وانتي شايفه شلون احنا وسط زحمه انتي ارفعي عبايتك الي تسحب وراك عشان محد يدوس عليها

قالتلي مو شغلك ارفعها ولا اسحبها وراي عبايتي وانا حره المهم الحريم يهدونها وهي منفجره علي قليلة الادب الا قامت تنافخ على الحريم انهم ملاقيف ومالهم دخل وانا عميه ماشوف الا والحريم ينفجرون عليها بسبب قلة ادبها معاهم بعد ههههههههههههههه




مع الاسف هذا الموقف صارلي اليوم










وموقف صارلي قبل فتره برضو بالسوق كنت ماشيه نفس الشي بعربيه بنتي وكان وقت صلاه ورايحه على المصلي وانا داخله المصلى نفس الشي زحمه عند البوابه الحريم بيدخلون يصلون الا وحده طالعه بسرعه من المصلي وتصدم في كتفي ونفس الشي تقول افتحي عينك ماتشوفين المشكله اني واقفه مكاني انتظرها تخرج عشان ادخل هي الي كانت تمشي والله مدري مين الي المفروض يفتح عينه ونفس الشي صراخ وقلة ادب والفاظ سوقيه







الى متى هذه الاشكال تستمر في قلة ادبها ؟؟؟

كلنا بشر وكلنا بنخطي بس عيب اننا نستمر في الخطأ والمشكله انهم حريم وكبار مو اطفال والله العظيم احيان اصطدم باطفال ولا هم يجرون و في الملاهي و الالعاب ويصدمون فيني ويتأسفون بكل أدب و احترام هذا وهم اطفال

طبعا في حريم كثير يصير بيننا تصادم بالكتف في المحلات او بالعربيه و ناس ذوق سواء انا الغلطانه ولا هم نتأسف من بعض بكل احترام وانتهى الموضوع




قلة ادب و الفاظ سوقيه وصراخ وصوتهم واصل للرجال والكل يتفرج عليهم ورب الكعبه الي مثل هالنوعيه على عبالها انها قويه ورزه ماتدري ان الناس يحتقرونها على قلة ادبها وسلاطة لسانها





ياليت احد من الاخوات الي يقرأون موضوعي راعيه هواش وقلة ادب تتعود على تربيه نفسها و احترام الناس لان الموضوع مايستاهل وموضوع تافه اصلا اذا اصطدمتي باحد او احد داس عبايتك بالغلط او اي موقف تافه يصيرلك مع اي احد وهذا يدل على صغر عقلك ودنائة لسانك وتربيتك اولا و اخيرا







سامحوني انجفرت عليكم بس والله العظيم شي يرفع الضغط في هالحريم النفسيات تلاقي زوجها محطها بالخيزرانه في البيت و تجي تحط حرتها في خق الله

قلة أدب وتربيه