المولود الجديد قلب حياتنا ساعدوني

يااختي اكيد ولدك معاه مغص وغازات وهذا طبيعي لذا العمر .....حاولي تعطيه رضعه كراويه ويانسون وشمر الثلاثه بنفس الكميه تغليهم وتعطيه منهم ...وكمان موية غريب كويسه ...نوميه على بطنه .......انا بنتي عمرها 4 اسابيع الان وباعمل هاذي الاشياء ....وكمان كمون مغلي يخفف الغازات ......واكيد الاخوات راح يفيدونا اكثر لانه انا مالي خبره زيك ..ام لاول مره ......وننتظر الرد من باقي الاخوات ...وجزاكم الله خير

هلا وغلا
الله يعينك انا توني بالنفاس بنتي بتكمل شهر
صحيح انها تبكي بس احيانا تنام 5 الى 6 ساعات متواصلة
واذا جاها مغص اعطيها قطرات دنتينوكس
احس تريحها
واذا كان المغص قوي مره
ماتريحها مره
بس الحلو تخدرها وتنومها
اكيد مغص
واذا كنتي ترضعين طبيعي
انتبهي لاكلك نصيحة
قبل 3 ايام شربت بيبسي وتهورت بنتي ماريحتني
من الغازات والمغص
ولاتكثرين عصير برتقال
ولا تاكلين شيء فيه بهارات
او فلفل
انتبهييييييييي لهالاشياء
او جربي
تطفين الانوار وتولعين ابجورة
واعطيه اللهاية ودوري فيه
وتكون الغرفة مو حارة ترا الاطفال عدوهم الحر
وتاكدي انه شبع
وان شاء الله ترتاحين
وكل ماصاح اعطيه اللهايه
تراها ترييييييح
ريحتني بنسبة 70 بالميه
وان شاء الله اكون افدتك

والله حبيبتي مو راضي ياخذ اللهايه لساعه صغير اسبوعين بس
وانا للاسف حتى اكل ماعاد صرت اكل وقبل يومين اعصر في صدري ماطلعت ولا نقطة حليب واستغربت
لأني من قلة النوم ماعاد اكل
ايش اسوي
لما اكل يجيني النوم ولاالاقي وقت ارتاح
ومااطمئن عليه مع احد ابدا
وامي ست كبيره ماتقدر واخواتي كل وحده في حالها وبيتها مسكينه الله يعينهم
انا بحاول اعطيه يانسون زي ماقالت الاخت
والقطرات هذي عندي بعطيه منها عل وعسى
والله تعبت لكن الله يعين
انتي تقولين ان بنتك تنام خمس او ست ساعات ورى بعض ماشالله
اذا كذا احب اقولك يابختك ماشالله تبارك الله انتي ترتاحين كفايه في هذي الساعات
انا لو نام مايستمر نومه ساعه وحده الا ويقوم يبكي واقعد اهز فيه
وبعدين انا نفاس ايش بيقدرني امشي فيه بالغرفه كل شويه
والشغاله اخاف اعطيها هو
لأني احيانا اتهور على الولد واصير اصرخ واقول بس بس
اجل كيف لو هي
اكيد بتسوي شي في ولدي

حبيبتي مثل ماقالوا لج الأخوات ولدج عنده غازات مسكيييييين

أنا جربت الورد مع ولدي والحمدلله نفع معاه وريحيني ....... يعني ليلة اللي أحسه يصيح يصيح ولا ينام ......... أغلي له الورد وأحط سكر نبات شوي عشان يرغب له وأعطيه والحمدلله ماياخذ شي وينام

الورد تلقينه عند العطار ....... ورد محمدي صغار مجفف ريحته حلوه ...... اخذي وردتين مو أكثر واغليهم في نص كوب ماي لا تسوينه ثقيل عشان مايصيده إسهال وقطعة سكر نبات صغيره وأنا كنت أضيف عليه ماء المرقدوش شوي وأخليه يغلي وأعطيه إياه ويهدأ وينام له 4 ساعات متواصله ماشالله

الله يهديه وانتي استحملي ماعليه كلها أيام وبينتظم نومه وبترتاحين

سوي مساج له بزيت دافي

ولفيه عدل عل وعسى ينفع معاه