المويات الزائده والسونار

السلام عليكم ورحمة الله وبركاتة

بقولكم سالفتي وربي ضايق صدري وحلفت ماعاد اراجع المستشفى اذا جاء وقت الولاده اروح صدقوني وربي اكثر التعب والحاله النفسيه تكون من الدكاتره كل شوي يقول لكي كلام
انا قلت لكم في موضوعي من قبل ان المويه زايده حول الجنين وسالت قالوا يمكن سكر حمل التحليل ماكان واضح انه سكر الحمل راجعتهم قالوا سوي سونار سويته وخلصت قلت للدكتور طمنيني قالت سليم شوفي ماشاء الله قلت لها المويه الزايده ماتضره قالت ان شاء الله لا اعطتني موعد ثاني بعد اسبوع للسونار دخلت وكانت دكتوره غير مو نفس الدكتوره اللي قبل سوت السونار واشوف اشياء غريبه قلت لها ايش هذا قالت الكبد والكلى قلت طيب الطفل ان شاء الله سليم قالت الى الان مااشوف فيه ضرر قلت والمويه قالت ماهي هذيك الزياده اللي تخوف قلت الحمدلله لكن في داخلي ماكنت مرتاحه رحت بعد اسبوع مراجعه عند الدكتورة اول مادخلت قالت كيفك الجنين فيه حركة قلت الحمدلله الحركة ماشاء الله بسم الله عليه حتى اللي يجلس معايه يلاحظ بطني وهو يتحرك قالت الحمدلله تماام قالت اطلعي على السرير نشوف النبض طلعت قلت لها طيب والمويات الزائده كيف الحل قالت يمكن بسبب السكر او تشوه الجنين يوم قالت تشوه الجنين يابنات ماقدرت امسك نفسي جلست ابكي قلت لها كم مره سويت سونار ليه ماتقولون اذا في مشكلة في الجنين ليه ماتحطوني في الصورة انا من حقي اعرف ليه تخبون عليه قالت مو اكيد هذا يكون واضح وقت الولاده بس اللي عندي الان في الملف والتقارير كلها سليم قلت لها انا عارفه انه ابتلاء وانا مؤمنه بقضاء الله وقدره لكن خليكم معايه صادقين طلبت تقارير عشان اشوف مستشفى خاص اتاكد بس ماراحت قلت وكلت امري لله
الان عندي موعد بعد اسبوع تخطيط وسونار
انا حلفت مااروح لكن زوجي يقول روحي عشان نتاكد زياده انا تعبت من كثر كلامهم انتوا ايش رايكم اروح واكمل متابعة او انتظر موعد الولاده واوكل امري للي ماتنام عينه