المويه البيضا على عين الطفل

لا اله الا الله

لااله الا الله

لااله الا الله

UP

السلام عليكم أختي الكريمة الله يشفي لك ولدك ويعينك على هالمشوار الطويل اللي راح تاخذينه مع ولدك، أنا ولدي نفس الشئ كان لا حظت عليه في عمر 4 شهور حول في عينه اليسار وكل ما وديته للطبيبة كانت تقول لي لا توديه الدكاترة لانهم بيسونه له عمليه وبيستعجلون عليه خليه لحاله راح يشفى واحنا صدقنا كلامه الين صار ولد عمري سنتين ونص تدرين ايش صار فيه صارت عينه اليسرى تتحرك من يمين الى اليسار او من فوق لتحت يسمونه بالفصحى الرأرأة الدكاتره بعد يسمونها جذي المهم صارت مرة ومرتين وصارت عينه كلها بيضة من جو خفنا عليه وديناه مستشفى الملك خالد للعيون لقسم الطوارئ وكشفوا عليه وهزأونا عشان تاخرنا كثير في علاجه وقالو كل ما كان صغير تكون الفائدة اكبر المهم خلال شهر سوينا العملية بيد الدكتورة شهيرة التركماني استشارية عيون اطفال وقعدنا ثلاث ايام بالمستشفى بعد العمليه صار يشوف من جديد بعينه تصدقين طول هالفترة ما كان يشوف بعينه وانا ما ادري ياقلبي عليه، بعد العمليه لما كشفوا عليه قالوا عنده الحين كسل في عينه لانه ماشاف بعينه لمده سنتين وبهذا صارت اعصاب عينه ما تشتغل زين لازم نغطي له عينه اليمين عشان يستعمل عينه اليسار حتى ترجع الرؤية من جديد وهذا كانت من اصعب الايام اللي مرت في حياتي كان ما يشوف زين ويصيح يبيني اشيل له البلاستر من عينه السليمة كنا نغطي له 8 ساعات باليوم وهو عمره سنتين و4 شهور والحمدلله على كل حال الحين ولدي عمره 6 سنوات و4 شهور عينه تحسنت بنسبه 15 بالمئة ولازلنا نغطي له عينه باليوم 8 ساعات تعود عليها ويلبس نظارة كمان بس اول سنتين راح تتعبين معاه وبعدين الله بيفرجها عليكي الحين لما اتذكر هالايام اقول في نفسي ليش كنت زعلانه عليه هالقد كل شئ اتصلح والله كريم كتبت لك قصة حياتي كلها بس لعل وعسى تستفيدين منها والله يشفي ابنك وابني.