الم الضهر في بداية الحمل يارب رحمتك

هلا خيتو
انا بكريه والله وبدأ معي ألم الظهر من الاسبوع السادس
وتعذبت والله
كان يشد معي طول اليوم
لكن الحين فقط وقت النوم او اول ما اصحى من النوم او لو مشيت مسافات طويله او بكرف
لكن بما اني مريحة ع الآخر فالألم مختفي تقريباً
ومانفع معي لا زيت زيتون و لا كريمات وكمادات ولا مساج
وفكرت بلزقة الظهر بس يقولوا حارة وانا مو ناقصة حرارة فوق الالم
يارب تلطف فينا و تهونها علينا ونولد كلنا بالسلامه

سوي تحليل وتأكدي إذا عندك إلتهاب بول أو لا
لأن ألم الظهر بالعادة سببه إلتهاب البول
وقدامك العافية

نفس معاناتي انا حامل حاليا بالشهر الخامس وتعبانه من ظهري ربي يسهل علينا اجمعين يا رب ..
السبب اتوقع ضغط الحمل وكبر البطن .. و بعد لانه الكالسيوم ينقص في جسمنا دام انه يروح للجنين ..
وغير انج تشلين طفل ثاني بعد فحاولي كثر ما تقدرين انج ما تشيلين ولدج الا للضروره وخليه دايما يمشي بروحه من غير ما يتعود على الشيل ..
و لازم تساعدين نفسج وتحاولين تعوضين الكالسيوم اللي ينقص ..
كثري من شرب الحليب واللبن والروب و السمك و الاجبان و الموز .. يعني اي شي في كالسيوم كثري منه وان شاء الله يخف ...
التغذيه بس اللي راح تساعدج ... بس لا تستخدمين اي كريمات او لصقات الا بعد ما تسئلين الدكتوره لانها ممكن يمتصها الجسم وتأثر ع الجنين لا سمح الله ..


وان شاء الله ربي يهون الحمل عليج وعلينا يا رب ونقوم بالسلامه ان شاء الله ...

اشكر كل من رد علي ولكم دعوه خاصه ب الايام الفضيله

انا كنت مثلك بس صبرت عالالم لين ولدت مااستخدمت شي