طمنينا يالغلا

منتظرينك .....

ياليت تطمنيننا يالغلا

اسمعي ياقلبي البنات ماقصرو انا اقول سوي جدول يومي لكل شي مره المطبخ ومره غرفت نومك المهم قسمي بيتك كل يوم غرفه تنظيف وترتيب عميق صح بتتعبي في البدايه لكن اذا شفتي اثر شغلك من نظافه وترتيب بتتحمسين دعواتي لك بالتوفيق

هلا بنات الله لايحرمني منكم ولا من سؤالكم علي ، امس كانت نفسيتي تعبانة ماسويت فطور وتضايقت، بس بعد مادخلت المنتدى ولقيت ردودكم تشجعت وقمت اشتغل وطول ماانا اشتغل اتذكر كلامكم واقتراحاتكم واكمل الى ان خلصت المجلس ، وقمت اليوم وسويت فطور على قدي مكرونة وقطايف سمبوسة ، وطول ماانا اطبخ اتذكر كلام اختي الباسقة اني مو لازم اسوي شي كثير ، واني اثق بنفسي ولا اتأثر، وكنت اقول اول مايطلع زوجي للتراويح بكمل شغل عشان الفجر اشبك نت وابشركم اني انجزت وان دعمكم لي ماراح خسارة ، وبعد ماطلع زوجي قمت وكنست البيت وسبحت بنتي ، الا يدق جوالي طلع خالي يبي يزورني " هذا خالي نفسه اللي من قبل هزأني على وساخة بيتي " تعرفون وش سويت ، قلت له انت بتجي الحين او بعدين قال انا واصل عندك قلت له خالي انا كنت اتجهز بدخل اتسبح ، قالي خلاص بسلامتك انت بس طيبة وامورك تمام ، قلت ايه وصك السماعة وانا جتني حالة من الحزن ماتتخيلونها بصراحة بنات خفت يهزئني مرة ثانية لاني ماكملت تنظيف وريحة الحمام طالعة تعرفون شقة والحمام تكرمون قبل امس غاسلته وامداه توصخ خصوصا ان زوجي ماطلع الزبايل له يومين ، عشان كذا استحيت يجي ويشم ريحة البيت وانتم تعرفون البيت كله يبيله وقت على ماينظف ، بصراحة بنات انا اعرف اللي سويته غلط ومالي وجه اشوف خالي ، والشي الثاني اللي المني بعدها بساعتين كلمتني عمتي واسألتني رحتي لعمك الكبير قلت لا مابعد قالت لي بيخلص الشهر وانت مارحتي سلمتي عليه ياالفشيله قالت لي كم كلمة احرجتني قالت ماعندك الا بنت وحدة ولا انت فاضية تأديت الواجب وتوصلين اهلك عيب عليك انتبهي لنفسك الناس عندها ست وسبع عيال ويوصلون اهلهم المهم قالت كلام هي صادقة فيه كله ، الخلاصة يومي انتهى وانا في قمة الاحباط فعلا انا ماقمت بحق ربي ولا حق نفسي ولا حق زوجي ولا حق رحمي واهلي .

لا ياقلبي لا يأثر فيك هالشي
خالك معليش خليه يجيك بعد ماتكونين وحده ثانيه وانا واثقه ان هالشي صار قريب مررره
وعمك عادي والله اننا مانفضي نروح للواجب الله يكتب البركه بالوقت بس ولاتحسبين بس انتي ترى كلنا

انا مره مستانسه عشان خلصتي المجلس ومتاكده انك من حال الى حال افضل والله فرحت
وفطورك والله انك سنعه انك خلصتيه لحالك انا عندي خيتي نشتغل مع بعض ماصلحت الا شوربه ولقيمات وبيتزا يعني انتي مانتي سهله ماشاء الله ومن بدري جهزي ملابس بنتك وملابسك وجهزي الشنطه حطي لها رضعات وغيار عشان بعد التراويح تسبحين انتي وتلبسين وتلبسين بنتك وتروحين لعمك والزبايل طلعيها قدام زوجك عشان ياخذها

طمنينا كل يوم لاتطولين علينا زي امس